ون ءبىر جىلعا سوتتالعان تالدىقورعان پوليتسياسىنىڭ ەكس باسشىسى اپەللياتسيالىق شاعىم ءتۇسىردى

تالدىقورعان. KAZINFORM - قىز زورلاعانى ءۇشىن 11 جىلعا سوتتالعان تالدىقورعان قالالىق پوليتسيا باسقارماسىنىڭ بۇرىنعى باسشىسى مارات كۇشتىبايەۆ اپەللياتسيالىق شاعىم ءتۇسىردى.

جەتىسۋ وبلىستىق سوتىنىڭ باسپا ءسوز قىزمەتى ءمالىم ەتكەندەي، باس بوستاندىعىنان ايىرىلعان ازاماتتىڭ ارىزى 17-شىلدە كۇنى ءتۇستى.

«ءىس جەتىسۋ وبلىستىق سوتىنىڭ اپەللياتسيالىق القاسىنا كەلىپ ءتۇستى»، - دەپ حابارلادى سوتتىڭ باسپا ءسوز قىزمەتىنەن.

ەسكە سالايىق، وسى جىلدىڭ ءساۋىر ايىندا تالدىقورعان پوليتسياسىنىڭ باستىعى كابينەتىندە قىز زورلاعانى ءۇشىن 11 جىلعا سوتتالعان ەدى.

ول بىلتىر قاراشادا تالدىقورعان پوليتسياسىنىڭ باسشىسى مارات كۇشتىبايەۆ قىز زورلادى دەگەن كۇدىكپەن ۇستالعان بولاتىن.

مالىمەتكە سەنسەك، قىلمىس ونىڭ كابينەتىندە بولعان.

اقپان ايىنىڭ سوڭىندا مارات كۇشتىبايەۆقا قاتىستى سوت وتىرىسى باستالعان ەدى.

پروتسەسس جابىق رەجيمدە ءوتتى.

ناۋرىز ايىندا مارات كۇشتىبايەۆتىڭ دەنساۋلىعى سىر بەرىپ، سوت زالىنان اۋرۋحاناعا الىپ كەتتى.

اۆتور
الما مۇقانوۆا