ومار، مارۋا، كوركەم: شىمكەنتتە سابيلەرگە قانداي ەسىمدەر ءجيى قويىلادى
شىمكەنت. KAZINFORM - جىل باسىنان بەرى شىمكەنتتە 20 مىڭنان استام نارەستەگە تۋۋ تۋرالى كۋالىك بەرىلگەن.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالالىق فيليالى مالىمەتىنە سۇيەنسەك، سوڭعى جىلدارى اتا-انالاردىڭ تالعامى وزگەرىپ، بالالارعا شىعىستىق ءمانى بار ادەمى ەسىمدەر قويۋ ترەندكە اينالعان. مىسالى، قىزدارعا - مارۋا، حاديا، ايسافي، ال ۇلدار اراسىندا ومار، ءابۋباكىر، يبراحيم ەسىمدەرى تانىمال.
سونىمەن قاتار قازاقي ءداستۇرلى ەسىمدەر دە ءوز ماڭىزىن جوعالتپاي كەلەدى. قىزدار اراسىندا كوركەم، اياۋلىم، ايكوركەم، ال ۇلدار اراسىندا ەرتۇلعا، امىرە، دارىن ەسىمدەرى ءجيى كەزدەسەدى.
- ءار ەسىم - اتا-انانىڭ جۇرەك قالاۋىنان تۋعان ەرەكشە تاڭداۋ. ول بالانىڭ بولاشاقتاعى بەينەسىن قالىپتاستىرۋدا ماڭىزدى ءرول اتقارادى، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالالىق فيليالىنىڭ مامانى اينۇر توبايەۆا.
ايتا كەتەيىك، بۇدان بۇرىن شىمكەنتتە جاستار ساياساتى جانە بالالاردىڭ قۇقىقتارىن قورعاۋ باسقارمالارى قۇرىلاتىنىن جازعان بولاتىنبىز.