وقيعا 25 -قىركۇيەكتە الماتى - استانا باعىتىنداعى رەيسكە جولاۋشىلاردى وتىرعىزىپ جاتقان كەزدە بولعان. ەر ادام اۋە كەمەسىنەن ءوز بەتىنشە شىعىپ، پەررونعا جۇگىرىپ كەتكەن. وسىلايشا، ول اۆياتسيالىق قاۋىپسىزدىك تالاپتارىن بۇزعان.
وسىعان بايلانىستى جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ۇشاقتاعى بارلىق جولاۋشى سىرتقا شىعارىلىپ، ءتيىستى راسىمدەر جۇرگىزىلدى. سونىڭ سالدارىنان رەيستىڭ ۇشۋى كەيىنگە شەگەرىلدى.
- مەديتسينالىق كۋالاندىرۋ ناتيجەسىندە ەر ادامنىڭ جەڭىل دارەجەدە الكوگولدىك ماساڭ كۇيدە بولعانى انىقتالدى. تەكسەرۋ قورىتىندىسى بويىنشا ول اكىمشىلىك قۇقىقبۇزۋشىلىق تۋرالى كودەكستىڭ 5-بابى بويىنشا اكىمشىلىك جاۋاپقا تارتىلدى، - دەپ حابارلادى كولىكتەگى پوليتسيا دەپارتامەنتى.
اتاپ ايتقاندا، سپورتشى قوعامدىق ورىندا ماساڭ كۇيدە بولعانى، تىيىم سالىنعان جەردە تەمەكى شەككەنى، ۇشۋ قاۋىپسىزدىگى تالاپتارىن جانە اۋە كەمەسىنىڭ بورتىنداعى ءتارتىپ ەرەجەلەرىن بۇزعانى ءۇشىن جانە ۇساق بۇزاقىلىق جاساعانى ءۇشىن جاۋاپقا تارتىلدى.
سوت شەشىمىمەن دانيار ەلەۋسىنوۆ 10 تاۋلىككە اكىمشىلىك قاماققا الىندى.
دەپارتامەنت ادامنىڭ مارتەبەسى، تانىمالدىعى نەمەسە بۇرىنعى ەڭبەگى ونى جاۋاپكەرشىلىكتەن بوساتپايتىنىن اتاپ ءوتتى. زاڭ تالاپتارى بارىنە ورتاق.
بۇعان دەيىن دانيار ەلەۋسىنوۆ وزىنە قاتىستى سىنعا جاۋاپ بەرىپ، وليمپيادادان كەيىن ىشىمدىككە تاۋەلدى بولا باستاعانىن اشىق ايتقان ەدى.
ونىڭ الدىندا سپورتشىنىڭ 20 تاۋلىككە قامالىپ، 7 جىل كولىك جۇرگىزۋ قۇقىعىنان ايىرىلعانىن جازعان ەدىك.