پوليتسيا زاڭناما بۇزعان 700-گە جۋىق شەتەلدىك تاكسي جۇرگىزۋشىسىن انىقتادى

فوتو: Фото: freepik.com

استانا. KAZINFORM - پوليتسيا كوشى- قون زاڭناماسىن بۇزعان 700-گە جۋىق شەتەلدىك تاكسي جۇرگىزۋشىسىن انىقتادى.

Polisia.kz- ءتىڭ مالىمەتىنشە، ىشكى ىستەر مينيسترلىگى «زاڭ مەن ءتارتىپ» قاعيداسىن قامتاماسىز ەتۋ ماقساتىندا، كوشى-قون باقىلاۋىن نىعايتۋ جانە ەل اۋماعىندا كوشى-قون زاڭناماسىن بۇزعان شەتەلدىكتەردى انىقتاۋ ءۇشىن «قاۋىپسىز جول» جەدەل-پروفيلاكتيكالىق ءىس-شاراسىن وتكىزدى.

- كوشى-قون قىزمەتىنىڭ مالىمەتى بويىنشا، ءىس-شارا بارىسىندا 5 كۇن ىشىندە 46 مىڭ كولىك تەكسەرىلدى، 1080 شەتەلدىك ازامات جەكە تاسىمالداۋمەن اينالىسقانى انىقتالدى. ولاردىڭ 691- ءى موبيلدى قوسىمشالار ارقىلى كوشى-قون زاڭناماسىن بۇزىپ، جەكە تاسىمالمەن اينالىسقان. 234 شەتەلدىك ازامات زاڭسىز ەڭبەك قىزمەتىن جۇزەگە اسىرعانى ءۇشىن، 457 شەتەلدىك ازامات ق ر- دا بولۋ مەرزىمىن بۇزعانى ءۇشىن جاۋاپقا تارتىلدى. سوت شەشىمىمەن 175 شەتەلدىك تاكسي جۇرگىزۋشىسى ەل اۋماعىنان شىعارىلدى، - دەلىنگەن حابارلامادا.

ولاردىڭ 103- ءى جەكە باسىن انىقتاۋ ءۇشىن قابىلداۋ- تاراتۋ ورىندارىنا ورنالاستىرىلدى. سونىمەن قاتار 38 قازاقستاندىق شەتەلدىك ازاماتتاردى زاڭسىز جۇمىسقا تارتقانى ءۇشىن اكىمشىلىك جاۋاپقا تارتىلدى.

ايتا كەتەلىك ەلىمىزدە 4237 شەتەلدىك زاڭسىز تاكسي قىزمەتىن اتقارعانى تۋرالى جازعان ەدىك.

اۆتور

نازىم بولەسوۆا