جەدەل-ىزدەستىرۋ ءىس-شارالارىن جۇرگىزۋ كەزىندە اقمولا وبلىسىنىڭ زەرەندى كەنتىنىڭ ماڭىنداعى ورمان القابىندا تىركەلمەگەن مىلتىقپەن جەرگىلىكتى تۇرعىندى اتىپ ولتىرگەن ەر ادام ۇستالدى.
تارازدا 18 جاستاعى اۋىل تۇرعىنى قۇرىقتالدى. ول توپتىق توبەلەس كەزىندە باسقا فيگۋرانتتىڭ اياعىنا وق اتقان.
قىزىلوردادا بوتەن ۇيگە كىرىپ، ونداعى ەكى تۇرعىندى ۇرىپ-سوعىپ، پىشاقپەن جاراقاتتاپ، التىن سىرعا مەن ۇيالى تەلەفون ۇرلاپ كەتكەن ەر ادام ۇستالدى. كۇدىكتى بۇرىن سوتتى بولعان.
جەتىسۋ وبلىسىندا دا قىلمىسكەر قۇرىقتالدى. ول الماتى وبلىسىنداعى كاسىپورىنداردىڭ ءبىرىنىڭ اۋماعىنا كىرىپ، كۇزەتشىنى ۇرىپ-سوعىپ، ونى تاپانشاعا ۇقساس زاتپەن قورقىتىپ، 62 ميلليون تەڭگە كولەمىندە اقشانى يەمدەنگەن.