- ىرىمشىلدىقتىڭ، بالگەرلىكتىڭ، سيقىرشىلىقتىڭ جانە الداۋمەن بايلانىستى باسقا دا ارەكەتتەردىڭ الدىن الۋ ماقساتىندا بالگەرلەر، سيقىرشىلار، كەزبە جالعان مولدالار، جەزوكشەلەر، ولاردىڭ كليەنتتەرى مەن تۋىستارى، ناشاقورلار جانە وسى ارەكەتتەرگە قاتىسى بار باسقا دا ادامداردىڭ ەسىمدەرى ىشكى ىستەر مينيسترلىگىنىڭ ارنايى دەرەكقورىنا ەنگىزىلىپ جاتىر. بۇل ادامدار ۇنەمى باقىلاۋدا، - دەپ مالىمدەدى تاجىكستان ءى ءى م باسپا ءسوز قىزمەتى.
مينيسترلىكتىڭ مالىمەتىنشە، دەرەكقورداعى اقپارات ءتيىستى ورگانداردىڭ سۇرانىسى بويىنشا بەرىلەدى. مينيسترلىك ازاماتتاردى «ارنايى باقىلاۋ تىزىمىنە ەنگىزىلىپ بالالارىنىڭ الدىندا ۇياتقا قالماۋ ءۇشىن» وسى ساناتتاعى ادامداردان بويىن اۋلاق ۇستاۋعا شاقىرادى.
بۇعان دەيىن تاجىكستاننىڭ ىشكى ىستەر ءمينيسترى رامازان راحيمزودا 2026 -جىلدىڭ باسىندا 5000-نان استام بالگەر، سيقىرشى جانە «قاڭعىپ جۇرگەن جالعان مولدا» تىركەلگەنىن حابارلاعان بولاتىن. دۋشانبە قالالىق ىشكى ىستەر باسقارماسىنىڭ مالىمەتى بويىنشا، 2026 -جىلدىڭ ءبىرىنشى جارتىسىندا ەل استاناسىندا بالگەرلىكپەن اينالىسۋدىڭ 93 دەرەگى انىقتالدى. تاعى 11 ازاماتقا بالگەر قىزمەتىن پايدالانعانى ءۇشىن ايىپپۇل سالىنعان.
تاجىكستاندا بالگەرلىك پەن سيقىرشىلىق ەتكەنى ءۇشىن 100 ەسەپتىك كورسەتكىشكە دەيىن ايىپپۇل نەمەسە 15 تاۋلىككە دەيىن اكىمشىلىك قاماق جازاسى بەلگىلەنگەن. وسى ارەكەتتەر ءبىر جىل ىشىندە قايتالانسا، ەكى جىلعا دەيىن باس بوستاندىعىنان ايىرۋ جازاسىنا اكەپ سوعادى.
ەسكە سالا كەتەيىك، تاجىكستاندا بالگەرلەردىڭ قىزمەتىنە جۇگىنگەندەرگە ايىپپۇل سالۋ ماسەلەسى بىلتىر قوزعالعان.
سونداي-اق تاجىكستان 16 جاسقا تولماعان بالالاردىڭ الەۋمەتتىك جەلىگە كىرۋىنە شەكتەۋ قويۋى مۇمكىن.
قىزعالداق پەن بايشەشەك تاجىكستاننىڭ ۇلتتىق گۇلدەرى بولىپ جاريالاندى.