ورال. KAZINFORM - وزبەكستاننىڭ سامارقان قالاسىندا بايداركا مەن كانوە ەسۋدەن ەرەسەكتەر اراسىندا ءوتىپ جاتقان الەم چەمپيوناتىندا باتىسقازاقستاندىق ماريا بروۆكوۆا جۇلدەگەرلەر قاتارىنان كورىندى.
ماريا 500 مەتر قاشىقتىقتا كانوە ەسۋدەن قولا جۇلدەنى جەڭىپ الدى.
قازاقستاندىق ەسكەك ەسۋ شەبەرى ۋكراينالىق جانە چيليلىك سپورتشىدان كەيىن مارە سىزىعىن ءۇشىنشى بولىپ قيدى. بۇل - 19 جاستاعى ماريا بروۆكوۆانىڭ ەرەسەكتەر اراسىندا الەم بىرىنشىلىگىندەگى العاشقى مەدالى. بۇعان دەيىن ول جاسوسپىرىمدەر اراسىندا توپ جارعان بولاتىن.
اتالمىش چەمپيونات ودان ءارى جالعاسۋدا.
ماريا بروۆكوۆا سونىمەن قاتار ميكستان (ەكى ەر، ەكى ايەل ادام) 500 مەتر قاشىقتىقتا فينالعا شىقتى. فينالدىق ءجۇزۋ كەيىن بولادى.
ەسكە سالا كەتەيىك، بۇدان بۇرىن ماريا بروۆكوۆانىڭ وليمپيادادا ەل ءۇمىتىن اقتاۋعا كۇش سالاتىنى تۋرالى جازعان بولاتىنبىز.
اۆتور
عايساعالي سەيتاق
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан