وليمپيادا ويىندارىنىڭ بەس دۇركىن چەمپيونى بوزكىلەمگە اياق كيىمىن قالدىرىپ كەتتى

پاريج. KAZINFORM - وليمپيادا ويىندارىندا گرەك-ريم كۇرەسىنەن بەس دۇركىن چەمپيون اتانعان اتاقتى كۋبالىق بالۋان ميحاين لوپەس نۋنەس كىلەمگە اياق كيىمىن قالدىرىپ، سپورتتىق مانسابىن اياقتاعانىن مالىمدەدى.

ول - كۋبانىڭ اسا اۋىر سالماقتا سىنعا ءتۇسىپ جۇرگەن ۇزدىك سپورتشىسى. ميحاين لوپەس نۋنەس پاريجدە بەس دۇركىن وليمپيادا چەمپيونى دەگەن اتاققا قول جەتكىزدى.

ايگىلى بالۋان پاريج وليمپياداسىنىڭ فينالىندا چيليلىك سپورتشى ياسماني اكوستا فەرناندەستى 6:0 ەسەبىمەن جەڭدى.

بەلدەسۋدەن كەيىن ميحاين بوزكىلەم ۇستىندە كۇرەسكە ارنالعان اياق كيىمىن شەشىپ، سول جەرگە قالدىرىپ كەتتى. لوپەستىڭ بۇل ارەكەتىن كوپشىلىك ونىڭ سپورتتىق مانسابىن اياقتايتىنىمەن بايلانىستىردى.

ايتا كەتەيىك، قازاقستاندىق بالۋان دەمەۋ جادىرايەۆ جارتىلاي فينالدا ازەربايجاندىق سپورتشى سانان سۋلەيمانوۆپەن كەزدەسىپ، قارسىلاسىن 6:1 ەسەبىمەن جەڭدى. وسىلايشا ول پاريج وليمپياداسىنىڭ فينالىنا شىقتى.

ەستەرىڭىزگە سالا كەتسەك، فرانسيا استاناسى پاريج قالاسىندا ءوتىپ جاتقان XXXIII جازعى وليمپيادا ويىندارى 11-تامىزدا مارەسىنە جەتەدى. ويىندارعا الەمنىڭ 205 ەلىنەن 10500 سپورتشى قاتىسىپ جاتىر. وليمپياداشىلار 32 سپورت تۇرىنەن 329 مەدال جيىنتىعىن ساراپقا سالىپ جاتىر.

اۆتور
كۇنسۇلتان وتارباي