وليمپيادا ويىندارىندا ءۇش ۇلتتىڭ بىرلىگىن بۇكىل الەم مويىندادى - سادىر جاپاروۆ
استانا. kazinform - پاريجدە وتكەن XXXIIII جازعى وليمپيادا ويىندارىنان ورالعان قىرعىزستاننىڭ وليمپيادا قۇراماسىنىڭ مۇشەلەرىن ماراپاتتاۋ راسىمىندە پرەزيدەنت سادىر جاپاروۆ قىرعىز، قازاق جانە وزبەك جانكۇيەرلەرىنىڭ ءوزارا ىنتىماعىن اتاپ ءوتتى، دەپ جازادى كابار اگەنتتىگى.
ونىڭ ايتۋىنشا، وليمپيادا ويىندارىندا ءۇش ۇلتتىڭ بىرلىگىن بۇكىل الەم مويىندادى.
- قولداۋ تۋرالى ايتا وتىرىپ، پاريجدەگى وليمپيادادا تاريحى، تامىرى، ءتىلى جانە رۋحى ءبىر قىرعىز، قازاق جانە وزبەك جانكۇيەرلەرىنىڭ ءوزارا بىرلىگى بۇكىل الەمگە تانىلعانىن ايتپاي كەتۋگە بولمايدى، - دەدى قىرعىزستان پرەزيدەنتى.
سادىر جاپاروۆ قىرعىز، قازاق جانە وزبەك حالىقتارىنىڭ ءوزارا دوستىعى ودان ءارى نىعايا تۇسۋىنە تىلەكتەستىگىن ءبىلدىردى.
- ءبىزدىڭ شەتەلدەگى سپورتشىلارىمىز جىلى سەزىمدەرمەن الماسىپ، جەڭىستەردىڭ قۋانىشىمەن ءبولىسىپ، قۇشاقتاسىپ، قولداۋلارىن بىلدىرگەن ساتتەر ءۇش حالىق اراسىنداعى ەجەلگى دوستىقتى، تۋىستىق قاتىناستاردى جانە تاتۋ كورشىلىك قاتىناستاردى ودان ءارى نىعايتتى دەپ سەنەمىن. قىرعىز، قازاق جانە وزبەك حالىقتارىنىڭ ءوزارا تۇسىنىستىگى مەن بىرلىگى ودان ءارى نىعايا بەرسىن، - دەدى ول.
اۆتور
ەركەجان سماعۇلوۆا