وليمپيادا چەمپيونى يمانە حەليف دج. ك روۋلينگ پەن يلون ماسكتى كيبەربۋللينگ جاسادى دەپ ايىپتادى

استانا. KAZINFORM- بوكسشىنىڭ ادۆوكاتى Variety باسىلىمىنا Х الەۋمەتتىك جەلىسىنە قارسى شاعىم تۇسىرىلگەنىن ايتتى، دەپ جازادى euronews.

الجيرلىك بوكسشى يمانە حەليفتىڭ پاريج پروكۋرورىنا بەرگەن شاعىمىندا جازۋشى دج. ك. روۋلينگ پەن ميللياردەر يلون ماسكتىڭ ەسىمى اتالدى.

Variety باسىلىمىنىڭ حابارلاۋىنشا، 25 جاستاعى حەليف 2024-جىلى پاريجدە وتكەن وليمپيادا ويىندارى كەزىندە ينتەرنەت ارقىلى قىسىم كورگەنى ءۇشىن فرانسۋز بيلىگىنە شاعىم تۇسىرگەن.

حەليفتىڭ مۇددەسىن قورعايتىن پاريج ادۆوكاتى نابيل بۋدي 9-تامىزدا پاريج پروكۋراتۋراسى جانىنداعى ينتەرنەتتەگى جەككورۋشىلىككە قارسى ورتالىققا جىبەرىلگەن شاعىمدا روۋلينگ پەن ماسكتىڭ ەسىمى اتالاتىنىن راستادى.

ادۆوكات سوتتا دونالد ترامپتىڭ دا اتى اتالعانىن ايتتى: «ترامپ تا تۆيت جاريالادى، سوندىقتان ونىڭ ەسىمى شاعىمدا بار ما، جوق پا، ول ءسوزسىز ايىپتاۋ بولىگى رەتىندە قاراستىرىلادى».

ەگەر پروكۋرورلار اتى اتلعانداردىڭ ءبىرىن ايىپتى دەپ تانىسا، ولارعا قاتىستى ەكى جىلدان بەس جىلعا دەيىن باس بوستاندىعىنان ايىرۋ نەمەسە ون مىڭداعان ەۋرو ايىپپۇل سالۋ جازاسى قاراستىرىلۋى مۇمكىن.