وليمپيادا جۇلدەسىن الماي، سپورتپەن قوشتاسپايمىن - ءابيبا ءابۋجاقىنوۆا

پاريج. KAZINFORM - پاريجدە ءوتىپ جاتقان وليمپيادا ويىندارىنىڭ العاشقى كۇنى دزيۋدودان ايەلدەر اراسىندا 48 كەلىگە دەيىنگى سالماقتا تاتاميگە شىققان ءابيبا ءابۋجاقىنوۆا جۇلدەگە قول جەتكىزە الماعان بولاتىن.

جارىستان شىققان بەتتە وتاندىق تىلشىلەرگە ەل ءۇمىتىن اقتاي الماعىنى ءۇشىن كەشىرىپ سۇراپ، اعىل-تەگىل كوز جاسىنا ەرىك بەرگەن ەدى. بۇگىن ءابۋجاقىنوۆانىڭ جەكە باپكەرى نۇربول سۇلەيمەنوۆ العاش رەت شاكىرتىنىڭ قازىرگى كوڭىل-كۇيى قالاي ەكەنىن ايتىپ بەردى.

«جەڭىلىپ قالعاننان كەيىن ءبىر كۇنگە دەيىن ەشكىممەن سويلەسكەن جوق. جىلاي بەردى. مەن دە ەشتەڭە ايتپادىم، سويلەسپەدىم. ونداي كەزدە بىردەمە ايتۋدىڭ ءوزى ارتىق. ەرتەسى عانا اشۋى باسلىپ، ءوز-وزىنە كەلگەننەن كەيىن عانا سويلەستىم. قازىر كوڭىل-كۇيى دۇرىستالىپ قالدى»، - دەدى باس باپكەر.

سونىمەن قاتار ءابيبا ءابۋجاقىنوۆانىڭ وسىعان دەيىنگى ەشكىمگە ايتپاعان قۇپيا جوسپارىندا ايتىپ قالدى.

«ءابيبانىڭ ءوزىنىڭ وسىعان دەيىن ەشكىمگە ايتپاي كەلە جاتقان جوسپارى بولعان. «ەگەر وسى پاريجدە جۇلدەگە قول جەتكىزىپ، چەمپيون بولسام، سپورتتىق مانسابىمدى اياقتايمىن» دەگەن. وكىنىشكە قاراي، ول جوسپارى ورىندالمادى. ەندى بۇگىن سويلەسسەم، «اعا، مەن ءبارى ءبىر، وليمپيادا جۇلدەسىن الماي سپورتپەن قوشتاسپايمىن» دەدى. نەگىزى ءابيبا وتە نامىسشىل قىز. قايسار قىز»، - دەدى ونىڭ جەكە باپكەرى نۇربول سۇلەيمەنوۆ.

ەستەرىڭىزدە بولسا ءابيبا ءابۋجاقىنوۆا وليمپيادا ويىندارىن 5-ورىنمەن اياقتاعان بولاتىن.

اۆتور

كۇنسۇلتان وتارباي