بۇل تۋرالى ول قانات ەسەناليەۆ ەسىمدى باپكەرمەن اڭگىمە بارىسىندا باياندادى. بالۋاننىڭ سوزىنشە، ول ۇزاق ۋاقىتتان بەرى استانا قالاسىندا تۇرىپ جاتقان كورىنەدى.
«قازىر استانا قالاسىندامىن. كەلگەنىمە 4 ايداي ۋاقىت بولدى. اعالارىمنىڭ قاسىندامىن. 2-3 جىل بۇرىن ا ق ش- تا باپكەر بولىپ جۇمىس ىستەگەنمىن. انىعىندا ءبىر جىل ۋنيۆەرسيتتە بالۋانداردى دايىندادىم. وقۋشى كەزىمدە بەكزات ساتتارحانوۆ اتىنداعى سپورت مەكتەپ-ينتەرناتىندا ءبىلىم الدىم. ق ر ۇلتتىق قۇراماسىنىڭ بالۋانى اسحات جاڭبىروۆپەن بىرگە وقىدىم. كەيىن مەن وزبەكستاننان، ول قازاقستان اتىنان جارىسقا شىعاتىن»، - دەدى وليمپيادا جۇلدەگەرى.
سونىمەن بىرگە، بەلگىلى سپورتشى قازاقستان بالۋاندارى تۋرالى پىكىر ءبىلدىردى.
«جاقىندا الماتاۋدا وقۋ-جاتتىعۋ جيىندارىندا بولدىم. بايقاعانىم قازاقستان بالۋاندارىنىڭ كۇرەس دەڭگەيى جوعارى. ەڭبەكقور، تەحنيكا جاعىنان جەتىلگەن بالۋاندار كوپ. مىنەزدەن بولەك جەڭىسكە دەگەن قۇشتارلىق بار»، - دەدى ەلمۇرات تاسمۇرادوۆ.
ەلمۇرات تاسمۇراتوۆ ريو وليمپياداسىندا 59 كەلىدە قولا جۇلدەگە يە بولعان. ول الەم بىرىنشىلىكتەرىندە 3 مارتە مەدال يەلەندى. بۇدان بولەك، ازيا بىرىنشىلىگىنىڭ بەس دۇركىن چەمپيونى، ەكى رەت كۇمىس جۇلدەگەرى اتانعان. توكيو وليمپياداسىنا قاتىسقان بالۋان 2021-جىلدىڭ سوڭىندا سپورتتىق مانسابىن اياقتايتىنىن مالىمدەگەن.