وليمپيادا جانە پاراليمپيادا ويىندارىنىڭ جۇلدەگەرلەرى دە سىياقى الادى
08:29, 24 - ءساۋىر 2025
استانا. KAZINFORM - قازاقستان رەسپۋبليكاسى ۇكىمەتى پاريجدە وتكەن 2024-جىلعى وليمپيادا جانە پاراليمپيادا ويىندارىنىڭ چەمپيوندارى مەن جۇلدەگەرلەرىنە سىياقى بەرۋ تۋرالى شەشىم قابىلدادى.
بۇل قادام مەملەكەت باسشىسىنىڭ تاپسىرمالارىن ورىنداۋ ماقساتىندا جۇزەگە اسىپ وتىر.
ۇكىمەت قاۋلىسى قولدانىستاعى زاڭناما اياسىندا دايىندالىپ، ءتيىستى مەملەكەتتىك ورگاندارمەن كەلىسىلگەن.
- قاۋلىدا حالىقارالىق ارەنادا جوعارى ناتيجە كورسەتكەن سپورتشىلار مەن ولاردىڭ جاتتىقتىرۋشىلارىنا مەملەكەت تاراپىنان سىياقى تاعايىنداۋ كوزدەلگەن.
سىياقى تولەۋ ءتارتىبى مەن كولەمى بۇعان دەيىن بەكىتىلگەن نورمالارعا سايكەس جۇزەگە اسادى، - دەپ جازدى تۋريزم جانە سپورت مينيسترلىگىنەن.
بۇعان دەيىن 2028-جىلعى لوس-اندجەلەس وليمپياداسى باعدارلاماسىنا فۋتزال قوسىلۋى مۇمكىن ەكەنى حابارلاندى.