ولىمگە اكەپ سوقتىرادى: دارىگەر سۋدى تىم كوپ ءىشۋدىڭ دەنساۋلىققا قاۋپى تۋرالى ايتتى

استانا. KAZINFORM - سۋ ادام ءومىرى ءۇشىن ماڭىزدى ءرول وينايدى ءارى دەنساۋلىققا پايدالى. ءبىراق ماماندار سۋدى تىم كوپ مولشەردە ءىشۋ ومىرىڭىزگە قاۋىپ توندىرەتىن سالدارعا اكەپ سوقتىرۋى مۇمكىن ەكەنىن ەسكەرتتى.

پاتولوگتار بريۋس ءليدىڭ ءولىمىنىڭ سەبەبىن ەگجەي-تەگجەي زەرتتەۋ ارقىلى ءولىم ميدىڭ ىسىنۋىنەن بولدى دەگەن قورىتىندىعا كەلدى. ول قان سارىسۋىنداعى ناتري دەڭگەيىنىڭ تومەندەۋىنە اسەر ەتكەن اكتەردىڭ اعزاسىندا سۇيىقتىقتىڭ ارتىق جينالۋىنان بولعان. بۇل جاعداي كەز كەلگەن نارسەنىڭ ەكى جاقتى تۇسى بولاتىنىنا ايقىن دالەل.

سۋدى شامادان تىس، ەسەپتەمەي ءىشۋ قانداعى ناتري دەڭگەيىن تومەندەتۋى مۇمكىن، بۇل گيپوناتريەمياعا اكەلەدى. اعزاداعى مۇنداي بۇزىلىستىڭ بەلگىسى رەتىندە السىزدىك، سانانىڭ شاتاسۋى، باس اۋرۋى، قۇرىسۋ بايقالادى. اۋىر جاعدايدا گيپوناتريەميا ميدىڭ ىسىنۋىنە، جۇرەك سوعىسىنىڭ بۇزىلۋىنا جانە ولىمگە اكەپ سوقتىرۋى مۇمكىن.

د د ۇ ۇسىنىمىنا سايكەس ءبىر تاۋلىكتە سۋ ءۇشىن نورماسى ادام سالماعىنىڭ 1 كيلوگرامىنا 30 ميلليليتر.

ايتا كەتەيىك، بۇعان دەيىن بالاعا كۇنىنە قانشا سۋ ءىشۋ كەرەگى حابارلانعان بولاتىن.

ول ءۇشىن مىنا ەسەپتى قولدانىڭىز: كيلوگراممەن الىنعان بالا سالماعىن 2,205 كە كوبەيتەسىز جانە 2 گە بولەسىز. سودان سوڭ شىققان ناتيجەنى تاعى 8 گە بولەسىز. سوڭعى قادام - شىققان ساندى 240 قا كوبەيتەسىز. سول كەزدە بالاڭىز كۇنىنە ءىشۋ كەرەك سۋ مولشەرى شىعادى.

مىسالى، شامامەن 3 جاستاعى بالاڭىزدىڭ سالماعى - 16 كەلى. كۇنىنە قاجەتتى سۋ مولشەرىن ءبىلۋ ءۇشىن بىلاي ەسەپتەيمىز:

1. (16× 2,205) ÷2 = 17,64

2.17,64÷ 8 = 2,205

3.2, 205 × 240 = 529,2 (م ل)

ياعني، شامامەن 3 جاستاعى بالا كۇنىنە 530 م ل تازا سۋ (نەمەسە 2,5-3 ستاقان) ءىشۋى كەرەك.