گەولوگيالىق بارلاۋ سالاسىندا ۇكىمەتتىڭ كەمشىلىگى بار ەكەنىن جاقسى تۇسىنەمىن - پرەزيدەنت

استانا. KAZINFORM - قازاقستان گەولوگيالىق بارلاۋ سالاسىنداعى كەيبىر كەمشىلىكتەرىن جويۋعا دايىن. بۇل تۋرالى ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ 36-پلەنارلىق وتىرىسىندا مەملەكەت باسشىسى قاسىم-جومارت توقايەۆ ايتتى.

«قازاقستاندا 4500 دەن استام كەن ورنى بار بىرەگەي مينەرالدىق رەسۋرستارعا يە. ءبىز پايدالى قازبالاردى بارلاۋ مەن ءوندىرۋدى رەتتەۋدى الەمدەگى ەڭ ءبىر رەتتەلگەن، پروگرەسسيۆتى جانە اشىققىلامىز. وسى ماقساتتا گەولوگيالىق بارلاۋعا جەكە ينۆەستيتسيالار نەبارى التى جىل ىشىندە 1 ميلليارد دوللاردان استى. ەندىگى ۋاقىتتا قازاقستان اۋماعىنىڭ 1,6 ميلليون شارشى شاقىرىمى گەولوگيالىق زەرتتەۋ ءۇشىن قولجەتىمدى»، - دەدى مەملەكەت باسشىسى.

پرەزيدەنت قازاقستان نارىعىنا Rio Тinta ،Fortescue ،HMS Bergbao ،Kratos Resources ،Cove Capital سياقتى جاھاندىق ويىنشىلار ەنگەنىن اتاپ ءوتتى.

«سونىمەن قاتار، مەن وسىناۋ ماڭىزدى سالادا ۇكىمەتتىڭ ءالى دە كەيبىر كەمشىلىگى بار ەكەنىن جاقسى تۇسىنەمىن. جانە دە ءبىز وسى كەمشىلىكتەردى دۇرىس جويۋ جانە ناقتى وسى سالاداعى ينۆەستيتسيالىق كليماتتى جاقسارتۋ ءۇشىن ولاردى مۇقيات قاراستىرۋعا دايىنبىز ءارى مىندەتتى تۇردە زەردەلەيمىز»، - دەدى قاسىم-جومارت توقايەۆ.

بۇعان دەيىن قازاقستان تەحنيكالىق جانە كاسىپتىك ءبىلىم بەرۋ ساپاسىن ارتتىرۋعا دايىن ينۆەستورلاردى ىزدەيتىندىگىن جازعان ەدىك.