گەولوگيالىق اقپاراتتى سيفرلاندىرۋ قارقىندى ءجۇرىپ جاتىر

استانا. قازاقپارات - 2025 -جىلعى 1-قاڭتارداعى جاعداي بويىنشا بارلىعى 4579342 بىرلىكتەن تۇراتىن باستاپقى گەولوگيالىق اقپاراتتىڭ % 60 ى - 2601571 بىرلىگى سيفرلاندى. بۇل تۋرالى گەولوگيا كوميتەتىنىڭ باسپا ءسوز قىزمەتى حابارلادى.

بۇل باعىتتاعى جۇمىستار «ۇلتتىق گەولوگيالىق قىزمەت» ا ق بەكىتكەن جوسپارعا ساي جۇرگىزىلۋدە جانە تولىق سيفرلاندىرۋ 2028 -جىلعى 1-قاڭتاردا اياقتالادى.

سيفرلانعا باستاپقى گەولوگيالىق اقپارات قاتارىنا اۋماقتىق قورلاردا ساقتالعان قاعاز قۇجاتتاردىڭ سكانەرلەنگەن نۇسقالارى، سونداي-اق ماگنيتتىك لەنتالار مەن كارتريدجدەردەن الىنعان سەيسميكالىق دەرەكتەر جاتادى. بۇل - دالالىق جانە زەرتحانالىق گەولوگيالىق بارلاۋ جۇمىستارى بارىسىندا تىكەلەي تىركەلگەن، باعالى ءارى ءتۇپنۇسقا مالىمەتتەر.

- سونىمەن قاتار ەلىمىزدە ەكىنشى گەولوگيالىق اقپاراتتى جۇيەلەۋ جانە سيفرلاندىرۋ دا بەلسەندى تۇردە جۇرگىزىلىپ جاتىر. بۇگىنگى تاڭدا رەسپۋبليكالىق جانە اۋماقتىق گەولوگيالىق قورلاردا ساقتالعان 74452 ەسەپتىڭ ىشىنەن 66180 ءى قۇرىلىمدالىپ، سيفرلىق فورماتقا كوشىرىلدى. بۇل جالپى كولەمنىڭ � ىن قۇرايدى. اتالعان جۇمىسقا ەسەپتەردىڭ قاعاز نۇسقالارىن سكانەرلەۋ، ولاردى ءبىرىڭعاي ەلەكتروندى قالتالار مەن فايل تۇرلەرىنە قۇرىلىمداۋ جانە ناقتى زەرتتەلگەن اۋماقتارعا گەوگرافيالىق سايكەستەندىرۋ كىرەدى، - دەلىنگەن حابارلامادا.

اتقارىلىپ جاتقان بۇل جۇمىستار گەولوگيالىق مالىمەتتەرگە قولجەتىمدىلىكتى جەڭىلدەتىپ قانا قويماي، جەر قويناۋىن پايدالانۋعا قاتىستى جاساندى ينتەللەكت پەن زاماناۋي اناليتيكالىق قۇرالداردى ەنگىزۋگە بەرىك نەگىز قالايدى. بۇل - «اقىلدى گەولوگيانى» دامىتۋعا جانە قازاقستاننىڭ مينەرالدىق-شيكىزات سالاسىنا ينۆەستيتسيا تارتۋعا باعىتتالعان ماڭىزدى قادام.

ايتا كەتەلىك سيفرلاندىرۋ جاھاندىق ديپلوماتياعا قالاي اسەر ەتكەنى تۋرالى جازعان ەدىك.