گولوۆكيننىڭ ەسەسىن جانىبەك قايتارا ما

استانا. KAZINFORM - بوكسشى، ورتا سالماقتا WBO جانە IBF تيتۋلدارىنىڭ يەگەرى، جانىبەك ءالىمحان ۇلى (15-0, 10 ك و) الەۋمەتتىك جەلىدەگى پاراقشاسىندا سۋپەرورتا ديۆيزيوندا الەمنىڭ ابسوليۋت چەمپيونى ساۋل كانەلو الۆارەسپەن (60-2-2, 39 ك و) بولجامدى جەكپە-جەگى جايلى ايتتى.

قازاقستاندىق سپورتشى شارشى الاڭداعى جەكپە-جەك كەلەسى جىلى ءوتۋى مۇمكىن ەكەنىن بولجاپ وتىر. جانىبەك ءالىمحان ۇلى وعان دەيىن قورجىنىنا ورتا سالماقتا بارلىق تيتۋلدى جيناپ الۋعا نيەتتى.

«ورتا سالماقتا بىردە-ءبىر جاقسى بوكسشى قالمادى دەپ ويلايمىن. مەن بارلىق ءتورت بەلبەۋدى تەزىرەك جيناپ، كانەلومەن سۋپەرورتا سالماقتا ايقاسسام دەيمىن. بۇل كەلەسى جىلى بولادى دەپ ۇمىتتەنەمىن. ءبىراق ءبىر ماسەلە بار: كانەلو مەنىمەن ايقاسۋعا كەلىسە مە؟ كورەمىز!»، - دەپ جازدى ءالىمحان ۇلى ح پاراقشاسىندا.

ەستەرىڭىزگە سالساق، وتانداسىمىز ESNews ارناسىنا بەرگەن سۇحباتىندا جازدىڭ ورتاسىندا لاس-ۆەگاستا رينگكە شىعۋدى جوسپارلاپ وتىرعانىن ايتقان بولاتىن.

اۆتور

ورالحان قوجانوۆ