گولوۆكين رينگكە قايتا ورالا ما

استانا. KAZINFORM - ءبىر كەزدەرى قازاقستاندىقتاردىڭ تاڭ ۇيقىسىن «ۇرلاعان» گەننادي گولوۆكين بىلعارى قولعابىن قايتا كيىپ، شارشى الاڭدا ايقاسقا شىعۋى مۇمكىن ەكەنىن جاسىرمادى.

بۇگىندە ۇ و ك پرەزيدەنتى قىزمەتىن اتقارىپ جۇرگەن داڭقتى وتانداسىمىز گەننادي گولوۆكين Boxingscene.com باسىلىمىنا بەرگەن سۇحباتىندا بوكسپەن قوش ايتىسپاعانىن العا تارتتى.

«بوكستان كەتەتىنىم تۋرالى ەشقاشان ايتقان ەمەسپىن. بارىنە ۋاقىت تورەشى. قازىر مەنىڭ الدىمدا ۇلكەن ماقسات تۇر. باستىسى، اتقارىپ جاتقان جۇمىسىم وزىمە ۇنايدى. سپورت، قيمىل-قوزعالىس، جاتتىعۋ مەنىڭ ءومىرىمنىڭ ءمانى اينالعان. ەگەر بىرەۋ مەنى شارشى الاڭعا شاقىرىپ، ول ۇسىنىسى كوڭىلدەن شىقسا، ونى قابىلداۋعا دايىنمىن. سوندىقتان الدا GGG ءدىڭ قاتىسۋىممەن وتەتىن جەكپە-جەكتىڭ كۋاسى بولۋلارىڭىز ابدەن مۇمكىن،- دەدى گەننادي گولوۆكين.

ايتا كەتەيىك، الەمگە ايگىلى كاسىپقوي بوكسشى سوڭعى رەت شارشى الاڭعا 2022 -جىلدىڭ كۇزىندە شىعىپ، تورەشىلەردىڭ ورتاق شەشىمىمەن مەكسيكالىق ساۋل الۆارەسكە ەسە جىبەرگەن بولاتىن.

ەستەرىڭىزگە سالساق، بۇعان دەيىن گەننادي گولوۆكين وليمپيادا بوكسىنداعى كۇردەلى ماسەلەنى ايتىپ بەرگەن ەدى.