گولوۆكين قازاقستاننىڭ پاريج وليمپياداسىندا مەدال الۋ مۇمكىندىگىنە باعا بەردى

استانا. kazinform - قازاقستان ۇلتتىق وليمپيادا كوميتەتىنىڭ باسشىسى قىزمەتىن اتقاراتىن قازاقستاندىق بوكسشى گەننادي گولوۆكين Los Angeles Times گازەتىنە بەرگەن سۇحباتىندا 2024 -جىلى پاريجدە (فرانسيا) وتەتىن وليمپيادادا وتاندىق سپورتشىلاردىڭ مەدال الۋ مۇمكىندىگى تۋرالى پىكىرىن ايتتى، دەپ حابارلايدى Sports.kz.

«ارينە، وليمپيادا - تەڭدەسسىز وقيعا. بايراقتى باسەكەگە قاتىسۋعا ليسەنزيا جەڭىپ العان بارلىق سپورتشىلاردى بىرىكتىرەدى. مەن قازاقستاننىڭ اتىنان بارعان بارلىق سپورتشىلارعا جاۋاپتىمىن. ولارعا ساتتىلىك، وزدەرىنە سەنىمدى بولۋىن تىلەيمىن. كوماندامىز مىقتى، ولاردىڭ ارماندارىنا قول جەتكىزۋگە جانە مەدالدار جەڭىپ الۋعا مۇمكىندىك بەرەتىن وتە كۇشتى ارسەنالى بار. وليمپيادا ويىندارى - ەرەكشە تاجىريبە. بۇل اۋەسقوي سپورتشىنىڭ باسىنان كەشۋى مۇمكىن ەڭ جاقسى نارسە. بۇل روجدەستۆو مەن تۋعان كۇندى قوسا العاننان دا كەرەمەت. التىن مەدالدار كوبىنە رۋلەتكاعا ۇقسايدى»، - دەدى گولوۆكين.