استانا. KAZINFORM - ماسكەۋدە وتكەن 1980-جىلعى وليمپيادانىڭ كۇمىس جۇلدەگەرى ۆيكتور دەميانەنكو vesti.kz تىلشىسىنە بەرگەن سۇحباتىندا ۇلتتىق وليمپيادالىق كوميتەت پرەزيدەنتىگىنە تاعايىندالعان گەننادي گولوۆكيننىڭ مانسابىنا قاتىستى پىكىر ءبىلدىردى.
«گولوۆكين رينگكە قايتىپ ورالمايدى دەگەنمەن كەلىسپەيمىن. ول ءالى دە كەز كەلگەن مىقتى بوكسشىمەن جاقسى شوۋ كورسەتە الادى. ال تاماشا ءۇشىن عانا وتەتىن ماتچ تۋرالى ايتساق، ءبىز تايسوندى دا، دجونستى دا كوردىك. ءبارى قانشالىقتى قوماقتى تابىس كورۋگە بولاتىنىنا بايلانىستى. ەگەر سالماقتى ۇسىنىس تۇسسە، تولىققاندى جەكپە-جەك تە وتكىزۋگە بولادى. گولوۆكين بۇل سالالاردى الىپ جۇرە الادى دەگەن ويدامىن. باستىسى الداعى وليمپيادالىق سيكلدى ءساتتى وتكەرۋ»، - دەيدى دەميانەنكو.
ايتا كەتەيىك، كاسىپقوي بوكسشى گەننادي گولوۆكين كەشە ق ر ۇ و ك پرەزيدەنتى بولىپ سايلانعان ەدى. ول بۇل قىزمەتتە تيمۋر قۇلىبايەۆتى الماستىردى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.