گولوۆكين جاڭا قىزمەتكە تاعايىندالدى

ازيا وليمپيادالىق كەڭەسى (ا و ك) ۇيىم كوميتەتتەرىنە ەنگەن جاڭا مۇشەلەرىن تانىستىردى. ۇيىمنىڭ سپورت كوميتەتىنە گەننادي گولوۆكين تاعايىندالدى، دەپ حابارلايدى turkystan.kz.

ۇ و ك مالىمەتىنشە، تاعايىنداۋ تۋرالى شەشىمدى ازيا وليمپيادالىق كەڭەسىنىڭ پرەزيدەنتى رادجا راندحير سينگح ءۇندىستاننىڭ نيۋ-دەلي قالاسىندا وتكەن ا و ك-تىڭ 44- باس اسسامبلەياسىندا قابىلدادى.

ا و ك كوميتەتتەرىنىڭ قۇرامىنا قازاقستان ۇلتتىق وليمپيادا كوميتەتىنىڭ (ۇ و ك) باسشىلارى مەن قىزمەتكەرلەرى ەندى. سپورت كوميتەتىنە قازاقستاننىڭ ۇ و ك پرەزيدەنتى گەنناديي گولوۆكين تاعايىندالدى.

باس حاتشى ءالىمجان اقايەۆ حالىقارالىق قاتىناستار كوميتەتىنىڭ مۇشەسى بولدى. PR جانە ماركەتينگ دەپارتامەنتىنىڭ ديرەكتورى گۇلناز شۇكەنوۆا مەديا جانە ب ا ق كوميتەتىنە كىردى، ال سپورت دەپارتامەنتىنىڭ باس مەنەدجەرى رومان تەمىرجانوۆ اقپارات جانە ستاتيستيكا كوميتەتىنە قوسىلدى. سونىمەن قاتار ورتالىق ازيانىڭ ايماقتىق انتيدوپينگ ۇيىمىنىڭ (RADOCA) ديرەكتورى ۆەنەرا ابدۋللا انتيدوپينگ كوميسسياسىنىڭ مۇشەسى اتاندى.

سونىمەن، بۇل جاڭارتىلعان اوك كوميتەتتەرى 2028 -جىلعا دەيىن قىزمەت اتقاراتىن بولادى.