ولەسيا كەكسەل ازاپتاۋ ءىسى بويىنشا كۇدىكتى دەپ تانىلدى

بۇل تۋرالى باس پروكۋراتۋرا Tengrinews.kz ساۋالىنا بەرگەن جاۋابىندا حابارلادى.

باس پروكۋراتۋرا مالىمدەمەسى

ول قىلمىستىق كودەكستىڭ 146-بابى «ازاپتاۋ» بويىنشا كۇدىكتى رەتىندە قارالىپ جاتىر.

«باس پروكۋراتۋرا 2025-جىلعى 4-شىلدەدە قىلمىستىق كودەكستىڭ 146-بابى 2-بولىگى 1-2-تارماقتارى بويىنشا كوزدەلگەن قىلمىستى جاسادى دەگەن كۇدىكپەن سىبايلاس جەمقورلىققا قارسى ءىس-قيمىل ۇلتتىق بيۋروسى تەرگەۋ دەپارتامەنتى باسشىسىنىڭ بۇرىنعى ورىنباسارى كەكسەل و. ي. -نى كۇدىكتى دەپ تانىدى»، - دەلىنگەن باس پروكۋراتۋرا جاۋابىندا.

پروكۋراتۋرا مالىمەتىنشە، سوتقا دەيىنگى تەرگەۋ جالعاسىپ جاتىر. تەرگەۋ ورگاندارى قوسىمشا دالەلدەر جيناپ جاتقانى ايتىلدى. تەرگەۋدىڭ مۇددەسىندە ءىس بويىنشا باسقا مالىمەتتەر جاريالانباي وتىر.

2019-جىلعى كەكسەلگە قاتىستى تەرگەۋ

2019-جىلى باس پروكۋراتۋراعا ازاماتتان ءوتىنىش تۇسكەن، وندا ول تەرگەۋ بارىسىندا كۋالىك بەرۋگە ماجبۇرلەگەنىن ايتىپ، سوعان قاتىسى بارلار قاتارىندا كەكسەلدى دە اتاعان. ول كەزدە ءىس جالعاسىن تاپپادى. ءى ءى م تەرگەۋ قىلمىس قۇرامىنىڭ بولماۋىنا بايلانىستى توقتاتىلعانىن حابارلاعان.