بۇل تۋرالى ۇكىمەتتىڭ باسپا ءسوز قىزمەتى حابارلادى.
ورىنبور وبلىسى - قازاقستاننىڭ نەگىزگى شەكارا ماڭىنداعى ارىپتەستەرىنىڭ ءبىرى. ناقتىلانعان مالىمەتتەرگە سايكەس، 2025-جىلى وبلىسپەن قازاقستان وڭىرلەرىنىڭ تاۋار اينالىمى 13,7 پايىزعا ءوسىپ، $641,7 ميلليونعا جەتتى، وسى جىلدىڭ قاڭتار- قىركۇيەگىندە بۇل كورسەتكىش $400,5 ميلليون بولدى.
- قازاقستان مەن رەسەي كوشباسشىلارى اراسىندا تۇراقتى ءارى سەنىمگە نەگىزدەلگەن ديالوگ ورناتىلدى. بۇل ەكى ەلدىڭ، جەكەلەگەن وڭىرلەر مەن كاسىپورىنداردىڭ ەكونوميكالىق بايلانىسىن دامىتۋعا بەرىك نەگىز قالايدى. وتكەن جىلدىڭ قورىتىندىسى بويىنشا قازاقستان مەن رەسەي اراسىنداعى تاۋار اينالىمى شامامەن $27 ميللياردقا جەتتى. قازىرگى تاڭدا مەملەكەتتەر باسشىلارى العا قويعان مىندەتى - تاۋار اينالىمىن $30 ميللياردقا دەيىن جەتكىزۋگە جاقىنداپ كەلەمىز. ورىنبور وبلىسىنا كەلەر بولساق، بيىلعى كورسەتكىشتەر كوڭىل قۋانتادى، ءوزارا ساۋدا كولەمى ارتىپ كەلەدى، $640 ميلليوننان استامى ورىنبور وبلىسىنا تيەسىلى، - دەدى ولجاس بەكتەنوۆ.
ورىنبور وبلىسىنىڭ گۋبەرناتورى ساۋدا-ەكونوميكالىق قاتىناستاردىڭ تۇراقتى تۇردە نىعايىپ كەلە جاتقانىن اتاپ ءوتىپ، شەكارا ماڭىنداعى ءوزارا ءىس-قيمىلعا ەرەكشە نازار اۋداردى.
- قازاقستان - ءبىزدىڭ ءىرى ساۋدا سەرىكتەستەرىمىزدىڭ ءبىرى. قازاقستاننىڭ ۇلەسىنە ورىنبور وبلىسىنىڭ بارلىق ارىپتەس وڭىرلەرمەن جيىنتىق سىرتقى ساۋدا اينالىمىنىڭ شامامەن 20 پايىزى نەمەسە بەستەن ءبىر بولىگى تيەسىلى. ءبىز سىزدەرگە اۋىل شارۋاشىلىعى ونىمدەرى مەن ونەركاسىپتىك تاۋارلار جەتكىزەمىز، قازاقستاننان كابەلدىك جانە حيميالىق ونىمدەردى، ازىق-تۇلىك ونىمدەرىن، تۇتىنۋ تاۋارلارىن الامىز. جىل سايىن وتكىزۋ پۋنكتتەرى ارقىلى جولاۋشىلار مەن جۇك اعىندارى ارتىپ كەلەدى. ونەركاسىپتىك كووپەراتسيا ەرەكشە ماڭىزعا يە. ءبىز ا و ك سالاسىنداعى ەكونوميكالىق بايلانىستارىمىزدى ەداۋىر نىعايتا الاتىنىمىزعا سەنىمدىمىن، - دەپ اتاپ ءوتتى ەۆگەني سولنتسيەۆ.
ءوزارا ساۋدانىڭ بۇگىندە بار الەۋەتىن اشا تۇسۋگە ارنالعان باعىتتار اتاپ ءوتىلدى. كولىك-لوگيستيكالىق ينفراقۇرىلىمدى دامىتۋعا، اۆياتسيالىق قاتىناستاردى، ونەركاسىپتىك جانە اۋىل شارۋاشىلىعى كووپەراتسياسىن كەڭەيتۋگە، مادەني-گۋمانيتارلىق ءوزارا ءىس-قيمىلعا نازار اۋدارىلدى.
كەزدەسۋ قورىتىندىسى بويىنشا جاۋاپتى مەملەكەتتىك ورگاندارعا بىرلەسكەن باستامالاردى جۇزەگە اسىرۋ كەزىندە قاجەتتى جاردەم كورسەتۋ جونىندە ءبىرقاتار تاپسىرما بەرىلدى.
بۇعان دەيىن بەكتەنوۆ «حالىقتىق قۇرىلىس» باعدارلاماسىندا وتاندىق ونىمگە باسىمدىق بەرۋدى تاپسىرعانىن جازعان ەدىك.