«سامۇرىق-قازىنا» ا ق ديرەكتورلار كەڭەسى وتىرىسىندا قوردىڭ 2026 -جىلعى 9 ايداعى قىزمەتىنىڭ قورىتىندىلارى، ونىڭ ىشىندە، نەگىزگى قارجىلىق جانە وندىرىستىك كورسەتكىشتەر، وتاندىق تاۋار وندىرۋشىلەردى قولداۋ شارالارى قارالدى. پرەزيدەنت قاسىم-جومارت توقايەۆتىڭ «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى جولداۋىندا ءىرى ينۆەستيتسيالىق جوبالاردىڭ ۋاقتىلى جۇزەگە اسىرىلۋىن قامتاماسىز ەتۋ جونىندەگى مىندەتتەرىنە نازار اۋدارىلدى.
قوردىڭ باسقارما ءتوراعاسى نۇرلان جاقىپوۆ ەسەپتى كەزەڭدەگى قىزمەت ناتيجەلەرى تۋرالى باياندادى. قور كىرىسى - عا، ال تازا پايداسى - عا وسكەن. نەگىزگى وندىرىستىك كورسەتكىشتەر بويىنشا جوسپار ورىندالدى.
سونىمەن قاتار ديرەكتورلار كەڭەسىنە جالپى قۇنى 43,8 تريلليون تەڭگەنى قۇرايتىن 69 ءىرى ينۆەستيتسيالىق جوبانىڭ جۇزەگە اسىرىلۋ بارىسى تۋرالى اقپارات ۇسىنىلدى. ينۆەستيتسيالاردىڭ باسىم بولىگى مۇناي-گاز ونەركاسىبىنە، مۇناي-گاز حيمياسى جانە ءداستۇرلى ەلەكتر ەنەرگياسىن ءوندىرۋ سالاسىنا باعىتتالعان. سونداي-اق گاز تاسىمالداۋ، ەنەرگەتيكالىق ينفراقۇرىلىمدى دامىتۋ، كولىك، كوممۋنيكاتسيا جانە باسقا دا باعىتتار قامتىلادى. بۇگىنگى تاڭدا 44 جوبا بويىنشا قۇرىلىس-مونتاج جۇمىستارى جۇرگىزىلىپ جاتسا، قالعاندارى جۇزەگە اسىرۋدىڭ ءتۇرلى كەزەڭدەرىندە ەكەنى ايتىلدى.
قوردىڭ نەگىزگى جوبالارىنىڭ ءبىرى رەتىندە بيىلعى قازان ايىندا ىسكە قوسىلعان قازاقستان مەن ازەربايجان اراسىنداعى حالىقارالىق دەرەكتەر الماسۋ مۇمكىندىكتەرىن كەڭەيتۋگە جانە ەكى ەلدىڭ سيفرلىق بايلانىسىن نىعايتۋعا باعىتتالعان ۇزىندىعى 380 شاقىرىم بولاتىن تالشىقتى- وپتيكالىق بايلانىس جەلىسى اتالىپ وتىر. سونداي-اق قوردىڭ گونكونگ قور بيرجاسىندا جانە «استانا» حالىقارالىق بيرجاسىندا 3 ميلليارد يۋان سوماسىنداعى يۋانمەن نوميناتسيالانعان وبليگاتسيالارىن العاش رەت ورنالاستىرۋى اتاپ ءوتىلدى. بۇل قادام حالىقارالىق كاپيتال نارىقتارىنا قولجەتىمدىلىكتى ارتتىرىپ، ەل ەكونوميكاسىنا قوسىمشا ينۆەستيتسيالار تارتۋعا سەرپىن بەرەدى. كولىك الەۋەتىن دامىتۋدىڭ ماڭىزدى كەزەڭى
داربازا - ماقتاارال جاڭا تەمىرجول جەلىسى بويىنشا قوزعالىستى ىسكە قوسۋ. وسى جىلدىڭ قازان ايىندا بۇل باعىت بويىنشا قازاقستاندىق كومىرمەن وزبەكستانعا العاشقى جۇك پويىزى جونەلتىلدى. ماگيسترالدى ىسكە قوسۋ تەمىر جول جەلىسىنىڭ وتكىزۋ قابىلەتىن ەداۋىر كەڭەيتۋگە، جۇك تاسىمالداۋ كولەمىن ۇلعايتۋعا جانە قازاقستاندىق ءونىمدى ورتالىق ازيا ەلدەرىنە ەكسپورتتاۋ ءۇشىن قوسىمشا جولدار اشۋعا مۇمكىندىك بەرەدى.
وتاندىق وندىرۋشىلەردى قولداۋ جونىندەگى جۇمىس شەڭبەرىندە قوردىڭ قازاقستاندىق كومپانيالاردان 9 ايدا ساتىپ الۋ كولەمى شامامەن 1,4 تريلليون تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا E- عا ارتىق. ەسەپتى كەزەڭدە وفتەيك- كەلىسىمشارتتاردىڭ كولەمى 73 ميلليارد تەڭگە بولدى. سونىمەن قاتار جاڭا الەۋمەتتىك نىسانداردىڭ قۇرىلىسى جالعاسۋدا. 2027- 2028 -جىلدارى استانا، تۇركىستان جانە پەتروپاۆل قالالارىندا ءبىرقاتار ءىرى مەديتسينالىق نىساندى اياقتاۋ، سونداي-اق ينكليۋزيۆتى سپورت، وڭالتۋ، ءبىلىم بەرۋ جانە مادەنيەت سالاسىنداعى جوبالاردى جۇزەگە اسىرۋ جوسپارلانىپ وتىر.
وتىرىس قورىتىندىسى بويىنشا پرەمەر-مينيستر ينۆەستيتسيالىق جوبالاردى جۇزەگە اسىرۋ مەرزىمدەرىن بۇزۋ فاكتىلەرىنە جول بەرگەنى ءۇشىن قور مەن ەنشىلەس كومپانيالاردىڭ باسشىلىعىن سىنعا الىپ، بەلگىلەنگەن مەرزىمدەردىڭ ساقتالۋىن باقىلاۋدى كۇشەيتۋدى، سونداي-اق ولاردى جۇزەگە اسىرۋ شەڭبەرىندە ساتىپ الىناتىن تاۋارلارداعى، جۇمىستار مەن كورسەتىلەتىن قىزمەتتەردەگى جەرگىلىكتى قامتۋ ۇلەسىن ۇلعايتۋ جۇمىستارىن جالعاستىرۋدى تاپسىردى. بۇدان بولەك، جۇزەگە اسىرىلىپ جاتقان جوبالاردى، ونىڭ ىشىندە تۇركىستان، قىزىلوردا، الماتى جانە ەكىباستۇز قالالارىندا ءوندىرۋشى قۋاتتاردى ىسكە قوسۋ، گاز وڭدەۋ زاۋىتتارىن سالۋ جونىندەگى جوبالاردى ۋاقتىلى پايدالانۋعا بەرۋدى كۇشەيتىلگەن باقىلاۋعا الۋ تاپسىرىلدى.
ەسكە سالا كەتەيىك، جاقىندا ينۆەستيتسيالىق جوبالاردىڭ باياۋلاۋىنا بايلانىستى قايرات ماقسۇتوۆ قىزمەتىنەن كەتكەن بولاتىن.
ارتىنشا اڭسار ايداروۆ «سامۇرىق-ەنەرگو» ا ق باسقارما ءتوراعاسى بولىپ تاعايىندالدى.
ال مەملەكەت باسشىسى «سامۇرىق-قازىنا» ا ق باسقارما ءتوراعاسى نۇرلان جاقىپوۆتى قابىلداعاندا، كومپانيا باسشىسى 2026 -جىلى قور 3,2 تريلليون تەڭگەنىڭ ينۆەستيتسيالىق جوبالارىن تۇيىندەۋدى جوسپارلاپ وتىرعانىن ايتتى.