ونىڭ ايتۋىنشا، پرەزيدەنت قاسىم-جومارت توقايەۆ «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى جولداۋىندا ادىلەتتى، كۇشتى، تازا جانە وزىق قازاقستاندى قۇرۋدى باستى ماقسات رەتىندە ايقىندادى.
- وعان قول جەتكىزۋ ءۇشىن ەلىمىزدىڭ مول الەۋەتى مەن قازىرگى زامانعى يننوۆاتسيالىق جاعدايدا اشىلىپ وتىرعان وراسان زور مۇمكىندىكتەردى بارىنشا ءتيىمدى پايدالانۋىمىز قاجەت، - دەدى ولجاس بەكتەنوۆ.
ۇكىمەت باسشىسىنىڭ سوزىنشە، مەملەكەت باسشىسى جاريالاعان اۋقىمدى «حالىقتىق قۇرىلىس» باعدارلاماسى ەكونوميكانىڭ بارلىق سالاسىندا تۇبەگەيلى ينفراقۇرىلىمدىق وزگەرىستەر جۇرگىزۋگە جانە رەفورمالاردى ىسكە اسىرۋعا جول اشادى.
سونىمەن قاتار بۇل جالپى حالىقتىق جوبا جۇمىسپەن قامتۋ دەڭگەيىن ارتتىرىپ، ازاماتتاردىڭ ءال- اۋقاتىن جاقسارتۋعا تىڭ سەرپىن بەرمەك.
- بۇل جولداۋ - الداعى كەزەڭگە ارنالعان مازمۇندىق تۇرعىدان ەڭ اۋقىمدى باعدارلامالىق قۇجات. ونى جۇزەگە اسىرۋ ءۇشىن ناقتى ءىس-قيمىل جوسپارىن ازىرلەۋىمىز كەرەك، - دەپ اتاپ ءوتتى ۇكىمەت باسشىسى.
ايتا كەتەيىك، ۇكىمەت پرەزيدەنت جولداۋىن ىسكە اسىرۋ شارالارىن قاراستىرادى.