ولجاس بەكتەنوۆ Tubacex Group كومپانياسىنىڭ ۆيتسە-پرەزيدەنتىمەن كەزدەستى
استانا. KAZINFORM - مەملەكەت باسشىسى قاسىم-جومارت توقايەۆتىڭ ەل ەكونوميكاسىنا تىكەلەي شەتەلدىك ينۆەستيتسيالار تارتۋ بويىنشا العا قويعان مىندەتتەرىن جۇزەگە اسىرۋ اياسىندا ۇكىمەت باسىم سالالارداعى ىنتىماقتاستىق بويىنشا ينۆەستورلارمەن تىعىز ءوزارا ءىس-قيمىل جۇرگىزىپ جاتىر.
بۇگىن پرەمەر-مينيستر ولجاس بەكتەنوۆ يسپاندىق Tubacex Group كومپانياسىنىڭ ۆيتسە-پرەزيدەنتى انتون ازلورمەن كەزدەسۋ وتكىزدى.
باسقوسۋ بارىسىندا ونەركاسىپ سالاسىنداعى ىنتىماقتاستىق كەلەشەگى، اتاپ ايتقاندا جوعارى تەحنولوگيالى جاڭا وندىرىستەردى ەنگىزۋ ماسەلەلەرى تالقىلاندى. جىكسىز قۇبىرلاردى قوسا العاندا، مۇناي-گاز سالاسىندا سۇرانىسقا يە ونىمدەر شىعارۋعا نازار اۋدارىلدى.
شەتەلدىك ينۆەستور اتىراۋ وبلىسىندا توت باسپايتىن بولاتتان جانە نيكەل قورىتپالارىنان جاسالعان جىكسىز قۇبىرلار شىعاراتىن ورتالىق ازياداعى العاشقى زاۋىتتى سالۋ جوباسىن ۇسىندى. جوبالىق قۋاتى - 12 مىڭ توننا دايىن ءونىم.
سونىمەن قاتار زاماناۋي مۇناي-گاز ماشيناسىن جاساۋ زاۋىتىن اشۋدىڭ كەلەشەگى تالقىلاندى. ق ر ۇكىمەتى قوسىلعان قۇنى جوعارى ءونىم شىعارۋ بويىنشا وندىرىستەر اشۋعا باسا نازار اۋدارا وتىرىپ، ونەركاسىپ سەكتورىنا ينۆەستورلار تارتۋعا مۇددەلى.
كەزدەسۋ سوڭىندا تاراپتار ءارى قاراي اشىق جانە سىندارلى ديالوگكە دايىن ەكەندەرىن جەتكىزدى. ءتيىستى مەملەكەتتىك ورگاندارعا جوبانى ودان ءارى جۇزەگە اسىرۋ ءۇشىن پىسىقتاۋعا جاردەم كورسەتۋ تاپسىرىلدى.
ەسكە سالا كەتەيىك، بۇعان دەيىن ۇكىمەت نەمىس ينۆەستورلارىمەن بىرگە جەتىسۋدا حالىقارالىق اۋەجاي سالاتىنىن جازعان ەدىك.