ولجاس بەكتەنوۆ پەتروپاۆلداعى اگروونەركاسىپ ورىندارىن ارالادى

 پەتروپاۆل. KAZINFORM - پرەمەر- مينيستر ولجاس بەكتەنوۆ سولتۇستىك قازاقستان وبلىسىنا جۇمىس ساپارى اياسىندا اگروونەركاسىپتىك كەشەن كاسىپورىندارىنا بارىپ، ەلىمىزدىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن قازاقستاندىق ءوندىرىستى ودان ءارى ۇلعايتۋ الەۋەتىمەن تانىستى.

«قىزىلجار ءسۇت» ج ش س زاماناۋي ءسۇت كەشەنىندە ولجاس بەكتەنوۆ «اقىلدى فەرما» جۇمىسىنىڭ تەحنولوگيالىق پروتسەسىن قاراپ شىقتى. وتكەن جىلدىڭ قورىتىندىسى بويىنشا ءسۇت كەشەنى 6 مىڭ توننادان استام ءسۇت ءوندىردى. كەلەسى نىسان ءسۇتتى قايتا وڭدەۋ سالاسىنداعى وتاندىق جەتەكشى كاسىپورىنداردىڭ ءبىرى «ماسلو- دەل پەتروپاۆلوۆسك» ج ش س بولدى. ول 20 جىلدان استام ۋاقىت بويى تابىستى جۇمىس ىستەپ كەلەدى. وتكەن جىلى 104,8 مىڭ توننا دايىن ءسۇت ءونىمى نەمەسە ەلىمىزدەگى جالپى كولەمنىڭ ,5 ى ءوندىرىلدى.

«avagro» ج ش س كاسىپورنىندا پرەمەر- مينيستر اۋىل شارۋاشىلىعى تەحنيكاسىن شىعارۋ پروتسەسىمەن تانىستى، بۇل اسىرەسە كوكتەمگى ەگىس جۇمىستارىنىڭ باستالۋى قارساڭىندا وزەكتى.

كاسىپورىندا تىركەمەلەر، وزدىگىنەن جۇرەتىن بۇرىككىش تەحنيكا، سىيىمدىلىقتار، تاسىمالداۋ بلوكتارى جانە ت. ب. ونىمدەردىڭ كەڭ جەلىسىن ءوندىرۋ جولعا قويىلعان. سالاداعى ءوندىرىس كولەمى 5 جىل ىشىندە زاتتاي ماندە 04 عا، 2019 -جىلى 4,2 مىڭنان 2023 -جىلى 17,2 مىڭ بىرلىككە دەيىن ءوستى. بۇل رەتتە جەرگىلىكتى قامتۋ ۇلەسى p عا دەيىن جەتكىزىلدى. كاسىپورىن ونىمدەرىن كورىپ شىققان پرەمەر- مينيستر سالالىق مينيسترلىكتەرگە اتالعان جۇمىستاردى جەدەلدەتۋدى، ياعني تەحنيكانى جاڭارتۋدى قاجەت ەتەتىن ەگىنشىلەردى وتاندىق وندىرۋشىمەن بايلانىستىرۋدى تاپسىردى. وعان قوسا مينيسترلىكتەر، اكىمدىكتەر جانە «بايتەرەك» حولدينگى كاسىپكەرلەرگە ارنايى باعدارلامالار اياسىندا مەملەكەتتىك قولداۋ شارالارىن قولدانۋعا جاردەمدەسۋگە ءتيىس.

Фото: Үкіметтің баспасөз қызметі

مەملەكەت باسشىسىنىڭ تاپسىرماسى بويىنشا قارسى مىندەتتەمەلەردى قولدانا وتىرىپ، تەك قانا وتاندىق وندىرىستەگى اۋىل شارۋاشىلىعى تەحنيكاسىنىڭ جەڭىلدەتىلگەن ليزينگىنە 450 ميلليارد تەڭگە ءبولۋ جوسپارلانىپ وتىر.

«ازىق-تۇلىك قاۋىپسىزدىگى ماسەلەسىن شەشۋمەن مىقتاپ اينالىسۋ قاجەت. مەملەكەت باسشىسى ءوزىنىڭ قازاقستان حالقىنا جولداۋىندا اوك ءونىمىنىڭ ۇلەسىن p عا دەيىن جەتكىزە وتىرىپ، تەرەڭ وڭدەۋدى دامىتۋ قاجەتتىگىن اتاپ ءوتتى. تابىستى وتاندىق بيزنەس - بۇل، ەڭ الدىمەن، سورەلەردەگى قازاقستاندىق ونىمدەر جانە جۇمىس ورىندارى. بۇگىندە ىشكى نارىقتا يمپورتتالعان ءسۇت ونىمدەرى بار. الايدا ءبىزدىڭ زاۋىتتار قاجەتتى نارسەنىڭ ءبارىن وزدەرى وندىرە الادى، بۇل ءۇشىن مۇمكىندىكتەر بار»، - دەدى ولجاس بەكتەنوۆ.

ا و ك وبەكتىلەرىن ارالاۋ كەزىندە پرەمەر-مينيسترگە كوكتەمگى ەگىس جۇمىستارى، اتاپ ايتقاندا، پايداسى جوعارى مايلى جانە جەم-ءشوپ القاپتارىن ۇلعايتۋعا باسا نازار اۋدارا وتىرىپ، اۋىل شارۋاشىلىعى داقىلدارىنىڭ ەگىستىكتەرىن ءارتاراپتاندىرۋ تۋرالى باياندالدى.

ايتا كەتەيىك، پرەمەر-مينيستر ولجاس بەكتەنوۆ مەملەكەت باسشىسى قاسىم-جومارت توقايەۆتىڭ تاپسىرمالارىنىڭ ورىندالۋ بارىسىمەن تانىسۋ ءۇشىن سولتۇستىك قازاقستان وبلىسىنا جۇمىس ساپارىمەن بارعان بولاتىن.