ولجاس بەكتەنوۆ تاريف ساياساتى تۋرالى: باعانىڭ كۇرت قىمباتتاۋىنا جول بەرمەيمىز
استانا. KAZINFORM - پرەمەر-مينيستر ولجاس بەكتەنوۆ ۇكىمەتتىڭ كەڭەيتىلگەن وتىرىسىندا ەكونوميكانى ىرىقتاندىرۋ ساياساتى قالاي ىسكە اساتىنىن ايتتى.
- ەكونوميكانىڭ قارجىلاندىرۋ كولەمى ۇلكەن سەكتورلارىندا باعانى شامادان تىس مەملەكەتتىك رەتتەۋ بۇل مىندەتتى قيىنداتا ءتۇسىپ، ينۆەستيتيتسيالىق الەۋەتتى تومەندەتىپ وتىر. ۇكىمەت جانار-جاعارماي ماتەريالدارى مەن گاز باعاسىن، تۇرعىن ءۇي-كوممۋنالدىق شارۋاشىلىق جانە تەمىرجول تاسىمالى سالالارىنداعى تاريفتەردى كەزەڭ- كەزەڭمەن ىرىقتاندىرۋدا باستادى، - دەدى ول.
پرەمەر-مينيستر نارىقتىق باعا ساياساتىنا كوشۋدىڭ ارتىقشىلىقتارىنا دا توقتالدى.
- بىرتىندەپ نارىقتىق باعا ساياساتىنا كوشۋ وسى سالالارعا قاجەتتى ينۆەستيسيالاردى تارتۋعا جانە جانارماي تاپشىلىعىنىڭ الدىن الۋعا مۇمكىندىك بەرەدى. ءبىز باعانىڭ كۇرت قىمباتتاۋىنا جول بەرمەيمىز. وسىنى باسا ايتقىم كەلەدى، - دەدى ۇكىمەت باسشىسى.
ايتا كەتەيىك ەلوردادا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.