ولجاس بەكتەنوۆ سي گوحۋامەن بىرلەسكەن ينفراقۇرىلىم جوبالارىن تالقىلادى

استانا. KAZINFORM - قازاقستان پرەمەر-ءمينيسترى ولجاس بەكتەنوۆ CITIC Group ديرەكتورلار كەڭەسىنىڭ ءتوراعاسى سي گوحۋامەن كەزدەسۋدە قازاق- قىتاي بىرلەسكەن جوبالارىن ىسكە اسىرۋ جانە ەنەرگەتيكا مەن ونەركاسىپ سالالارىنداعى ىنتىماقتاستىقتى نىعايتۋ ماسەلەلەرىن تالقىلادى.

ق ر ۇكىمەتى باسپا ءسوز قىزمەتىنىڭ حابارلاۋىنشا، قازىرگى ساتتە قىتايلىق كومپانيانىڭ قاتىسۋىمەن رەسپۋبليكالىق ماڭىزى بار اۆتوجولداردى رەكونسترۋكتسيالاۋ بويىنشا ءىرى ينفراقۇرىلىم جوبالارى ىسكە اسىرىلۋدا. اتاپ ايتقاندا، جالپى ۇزىندىعى 1131 ك م بولاتىن «تالدىقورعان - وسكەمەن» جانە «قاراعاندى - بالقاش» تراسسالارىنىڭ 24 ۋچاسكەسىندە قۇرىلىس-مونتاج جۇمىستارى جۇرگىزىلۋدە.

بۇگىنگى تاڭدا «تالدىقورعان - وسكەمەن» اۆتوجولىندا 768 ك م-دىڭ 748 شاقىرىمىندا تومەنگى جابىن قاباتى بويىنشا قوزعالىس اشىلدى، جول جابىنىنىڭ جوعارعى قاباتى بويىنشا قالعان جۇمىس H دى قۇرايدى؛ «قاراعاندى - بالقاش» تراسساسى بويىنشا بارلىق 363 ك م بويى جابىننىڭ تومەنگى قاباتى بويىنشا قوزعالىس اشىق، جول جابىنىنىڭ جوعارعى قاباتى بويىنشا قالعان جۇمىس I دى قۇرايدى.

سونىمەن قاتار جول ينفراقۇرىلىمىن ودان ءارى جاڭعىرتۋ جونىندەگى امبيتسيالىق ماقساتتاردى ەسكەرە وتىرىپ، تاراپتار «CASPI BITUM» ب ك» ج ش س زاۋىتىنىڭ قۋاتىن جىلىنا 750 مىڭ تونناعا دەيىن ۇلعايتۋ جوباسىن ىسكە اسىرۋ بارىسىن قارادى. اتالعان جوبانى ىسكە اسىرۋ قۇرىلىس ماۋسىمى قىزاتىن كەزەڭدە بيتۋمعا دەگەن قاجەتتىلىكتى جابادى.

ماسەلەنى تالقىلاۋ بارىسىندا كەزدەسۋگە قاتىسۋشىلار اۋىل شارۋاشىلىعى، تازا ەنەرگەتيكا، قورشاعان ورتانى قورعاۋ جانە سيفرلىق تەحنولوگيالار سالاسىنداعى ىنتىماقتاستىقتى دامىتۋعا دايىن ەكەندىكتەرىن اتاپ ءوتتى.

اۆتور
ايدار وسپاناليەۆ