ولجاس بەكتەنوۆ پرەزيدەنتكە سۋ تاسقىنى سالدارىن جويۋ جۇمىستارى جونىندە ەسەپ بەردى

  استانا. KAZINFORM - پرەزيدەنت قاسىم-جومارت توقايەۆقا ۇكىمەت باسشىسى سۋ تاسقىنى سالدارىن جويۋ جانە قالپىنا كەلتىرۋ جۇمىستارى جونىندە ەسەپ بەردى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

پرەمەر- مينيستر ولجاس بەكتەنوۆ سۋ تاسقىنى سالدارىن جويۋعا جانە زارداپ شەككەن ازاماتتاردى قولداۋ شارالارىن جۇزەگە اسىرۋعا باعىتتالعان جوسپارلى جۇمىستار جونىندە باياندادى:

- 30770 وتباسىعا 100 ا ە ك كولەمىندە بىررەتتىك تولەم بەرۋ ءۇشىن 11 ميلليارد تەڭگەدەن اسا قارجى بولىنگەن؛

- زارداپ شەككەن ايماق تۇرعىندارىن باسپانامەن قامتاماسىز ەتۋ جۇمىستارى قارقىندى جۇرگىزىلىپ جاتىر. جالپى، 15103 تۇرعىن ءۇي تەكسەرىلىپ، 11186 نىساندى باعالاۋ جۇمىستارى اياقتالعان؛

- قازىرگى تاڭدا 432 وتباسى بۇزىلعان باسپانالارىنىڭ ورنىنا جاڭا ۇيلەر مەن پاتەرلەرگە يە بولعان. اتاپ ايتقاندا، تۇرعىندارعا قوستاناي وبلىسىندا 225، اقمولا وبلىسىندا 83، اقتوبە وبلىسىندا 76، سولتۇستىك قازاقستان وبلىسىندا 40، قاراعاندى وبلىسىندا 6، پاۆلودار وبلىسىندا 2 باسپانا بەرىلگەن؛

زارداپ شەككەن ازاماتتار ءۇشىن 1862 جاڭا ءۇي سالىنىپ جاتقانى تۋرالى مالىمەت بەردى:

- باتىس قازاقستان وبلىسىندا 394، قوستاناي وبلىسىندا 184، اتىراۋ وبلىسىندا 48، اقتوبە وبلىسىندا 494، اقمولا وبلىسىندا 273، سولتۇستىك قازاقستان وبلىسىندا 500، پاۆلودار وبلىسىندا 5 تۇرعىن ءۇيدىڭ قۇرىلىسى جۇرگىزىلىپ جاتىر. 2947 وتباسىعا باسپاناسىن جوندەۋ جانە قالپىنا كەلتىرۋ ءۇشىن وتەماقى تولەنگەن؛

زارداپ شەككەن تۇرعىندارعا اسا قاجەتتى دۇنيە- مۇلىك ساتىپ الۋ ءۇشىن 150 ا ە ك- كە دەيىن قوسىمشا وتەماقى تولەنىپ جاتقانىن ايتتى:

- 4115 وتباسى جالپى سوماسى 1 ميلليارد تەڭگە كولەمىندە وتەماقى العان. سونداي- اق ولگەن مالدىڭ وتەۋى ءۇشىن مەملەكەتتەن بولىنگەن قارجىلاي كومەكتىڭ كولەمى 2,3 ميلليارد تەڭگەدەن اسقان؛

تاسقىننان زارداپ شەككەن كاسىپكەرلەردىڭ شىعىنىن وتەۋ جۇمىستارى جۇرگىزىلىپ جاتقانىن ايتتى. ايماقتىق كوميسسيالار تەكسەرۋ جۇمىستارىنىڭ ناتيجەسىنە سايكەس شاعىن جانە ورتا بيزنەس سۋبەكتىلەرىنىڭ 12 ءوتىنىمىن قاراستىرىپ، ماقۇلداعان. وعان جالپى سوماسى 21 ميلليون تەڭگە بولىنگەن:

- جالپى، شىعىندى وتەۋ جانە قۇجاتتاردى وتكىزۋ ءتارتىبىن ءبىلۋ ءۇشىن 1432 ءنومىرى بويىنشا جەدەل جەلى جۇمىس ىستەپ تۇر. بۇل باعىتتاعى جۇمىس جالعاسۋدا. الدىن الا باعالاۋ بويىنشا سۋ تاسقىنىنان 731 بيزنەس سۋبەكتىسى زارداپ شەككەن.