ولجاس بەكتەنوۆ ەۋرازيالىق دامۋ بانكى كەڭەسىنىڭ وتىرىسىن وتكىزدى

استانا. KAZINFORM - قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ بانكتىڭ جىلدىق جينالىسى اياسىندا ەۋرازيالىق دامۋ بانكى كەڭەسىنىڭ (ە ا د ب) وتىرىسىن وتكىزدى. وندا ۇيىمنىڭ 2023-جىلعى جۇمىسىنىڭ قورىتىندىلارى قارالدى، سونداي-اق ودان ءارى كوپجاقتى دامۋ بويىنشا ءبىرقاتار شەشىم قابىلداندى.

ە ا د ب باسقارما ءتوراعاسى نيكولاي پودگۋزوۆ 2023-جىلى بانك قارجىلىق تۇراقتىلىقتى ساقتاپ، وپەراتسيالار ايماعىنداعى جەتەكشى دامۋ ينستيتۋتى رەتىندەگى ءرولىن كۇشەيتكەنىن اتاپ ءوتتى.

جىلدىق ينۆەستيتسيا كولەمى $1,7 ميلليارد قۇرادى. ەسەپتى جىلى بانك «جاسىل ينۆەستيتسيالار» سالاسىنداعى جۇمىستى ۇلعايتتى - اعىمداعى ينۆەستيتسيالىق پورتفەلدەگى جاسىل جوبالاردىڭ كولەمى جىل قورىتىندىسى بويىنشا $600 ميلليوننان استى. العاشقى ەكى جىلدىڭ قورىتىندىسى بويىنشا ينۆەستيتسيالار بويىنشا 2022-2026 ستراتەگياسىنىڭ كورسەتكىشىن ورىنداۋ 0 دى قۇرادى.

بانكتىڭ 18 جىلدىق جۇمىسىندا جيناقتالعان ينۆەستيتسيالىق پورتفەل $14,7 ميللياردقا جەتتى، ال جوبالاردىڭ جالپى سانى - 285.

نەگىزگى ۇلەستى كولىك ينفراقۇرىلىمى، تسيفرلىق جۇيەلەر، جاسىل ەنەرگەتيكا، اۋىل شارۋاشىلىعى، ونەركاسىپ جانە ماشينا جاساۋ سالالارىنداعى ينتەگراتسيالىق اسەرى بار جوبالار قۇرايدى.

انىقتاما: ەۋرازيالىق دامۋ بانكى - ەۋرازيالىق كەڭىستىكتە ينۆەستيتسيالىق قىزمەتتى جۇزەگە اسىراتىن حالىقارالىق قارجى ۇيىمى. 18 جىلدان استام ۋاقىت بويى ە ا د ب ەكونوميكالىق بايلانىستاردى نىعايتۋعا، كەڭەيتۋگە جانە قاتىسۋشى ەلدەردىڭ جان-جاقتى دامۋىنا جاردەمدەسىپ كەلەدى. ە ا د ب- نىڭ جارعىلىق كاپيتالى - $7 ميلليارد. بانك ءوز قىزمەتىندە ب ۇ ۇ- نىڭ ورنىقتى دامۋ سالاسىنداعى ماقساتتارىن جانە ESG قاعيداتتارىن باسشىلىققا الادى.