استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا «Kazakh Tourism» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى لاۋازىمىنا تالعات عازيزوۆكە ءوز لاۋازىمىنا لايىق ەكەنىن دالەلدەۋ ءۇشىن ناتيجە كورسەتۋ كەرەكتىگىن ەسكەرتتى.
- تالعات جانات ۇلى، ءسىز وسى قىزمەتكە جاڭادان كەلىپ وتىرسىز. ءبىراق سوعان قاراماستان وزىڭىزدەن ناقتى ناتيجە كۇتەمىز. ناتيجە بولسا، ءارى قاراي جۇمىس ىستەي بەرەسىز. ناتيجە بولماسا، قوشتاسامىز، كەلىستىك پە، - دەدى ولجاس بەكتەنوۆ.
ايتا كەتەيىك، بۇگىن ۇكىمەت وتىرىسىندا مينيسترلەر كابينەتىنىڭ مۇشەلەرى تۋريزمدى دامىتۋ ماسەلەلەرىن قاراپ جاتىر.
سونىمەن قاتار 2026-2030 -جىلدارعا ارنالعان «قازاقستان بالالارى» تۇجىرىمداماسىن پىسىقتايدى.
وتىرىس قورىتىندىسىندا باسپا ءسوز ءماسليحاتى وتەدى. وندا تۋريزم جانە سپورت ءمينيسترى ەربول مىرزابوسىنوۆ پەن وقۋ-اعارتۋ ءمينيسترى جۇلدىز سۇلەيمەنوۆا ب ا ق وكىلدەرىنىڭ ساۋالدارىنا جاۋاپ بەرەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан