- مەملەكەت باسشىسىنىڭ تاپسىرماسىنا سايكەس كۇنى كەشە ۇكىمەت ەلىمىزدىڭ كونستيتۋتسياسىن ءتۇسىندىرۋ جونىندەگى ءىس-شارالار جوسپارىن بەكىتتى. قازىرگى تاڭدا ساراپشىلار مەن قوعام قايراتكەرلەرىنىڭ قاتىسۋىمەن كونستيتۋتسيانىڭ بارلىق نوۆەللالارى بويىنشا اقپاراتتىق-ءتۇسىندىرۋ جۇمىستارى جۇيەلى تۇردە جۇرگىزىلۋدە. مادەنيەت جانە اقپارات مينيسترلىگى ۋاكىلەتتى مەملەكەتتىك ورگاندارمەن جانە ۇيىمدارمەن بىرلەسىپ، وسى باعىتتا جوسپارلى جۇمىستى ودان ءارى جالعاستىرۋى قاجەت، - دەدى ۇكىمەت باسشىسى.
پرەمەر-مينيستر وقۋ-اعارتۋ، عىلىم جانە جوعارى ءبىلىم مينيسترلىكتەرىنە حالىقتىڭ قۇقىقتىق ساۋاتتىلىعىن قالىپتاستىرۋ جونىندەگى كەشەندى باعدارلامانى ۋاقتىلى ازىرلەپ، كونستيتۋتسيانىڭ تىڭ قاعيداتتارىن مەكتەپتەر مەن كوللەدجدەردىڭ جانە ۋنيۆەرسيتەتتەردىڭ ۇلگىلىك وقۋ باعدارلامالارىنا ەنگىزۋدى قامتاماسىز ەتۋدى تاپسىردى.
- جاڭا كونستيتۋتسيا نورمالارىن ەسكەرە وتىرىپ، بەلگىلەنگەن مەرزىمدەردە قولدانىستاعى زاڭناماعا كەشەندى تالداۋ جۇرگىزىپ، بارلىق زاڭدار مەن باعدارلامالىق قۇجاتتاردى وزەكتەندىرۋ جۇمىستارىن اياقتاۋ قاجەت. بارلىق ورتالىق جانە جەرگىلىكتى اتقارۋشى مەملەكەتتىك ورگاندارعا ءىس-شارالار جوسپارىن جۇزەگە اسىرۋدى قامتاماسىز ەتۋدى تاپسىرامىن، - دەدى ولجاس بەكتەنوۆ.
ايتا كەتەلىك ۇكىمەت كونستيتۋتسيانى ىلگەرىلەتۋ جونىندەگى ءىس-شارالار جوسپارىن بەكىتكەن ەدى.