استانا. KAZINFORM - قازاقستان رەسپۋبليكاسىنىڭ پرەمەر- ءمينيسترى ولجاس بەكتەنوۆ استانا قالاسىنداعى رەسەي فەدەراتسياسىنىڭ ەلشىلىگىنە بارىپ، ماسكەۋدەگى «كروكۋس سيتي حولل» ويىن-ساۋىق كەشەنىندە جاسالعان لاڭكەستىك ارەكەتكە بايلانىستى كوڭىل ايتۋ كىتابىنا جازبا قالدىردى.
ق ر ۇكىمەتى باسپا ءسوز قىزمەتىنىڭ حابارلاۋىنشا، بۇعان دەيىن قازاقستان ۇكىمەتىنىڭ باسشىسى رەسەي ۇكىمەتىنىڭ ءتوراعاسى ميحايل ميشۋستينگە جانە قازا تاپقانداردىڭ وتباسىلارىنا كوڭىل ايتىپ، قولداۋ بىلدىرەتىنى تۋرالى تەلەگرامما جولداعان بولاتىن.
ەسكە سالا كەتسەك، 22- ناۋرىز كۇنى ماسكەۋدىڭ سولتۇستىك- باتىسىنداعى «Crocus City Hall» كونتسەرت زالىندا اتىس بولىپ، كامۋفلياج كيگەن ادامدار بەبىت تۇرعىندارعا وق جاۋدىرعان.
سونداي- اق وسى وقيعا سالدارىنان 115 ادامنىڭ مەرت بولعانىن جازدىق.
رەسەيدە 24-ناۋرىز جالپى ۇلتتىق ازا تۇتۋ كۇنى رەتىندە جاريالاندى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.