استانا. KAZINFORM - پولشا پرەزيدەنتى كارول ناۆروتسكي ناتو-عا مۇشە ەلدەردىڭ اسكەري قۇرامىنىڭ ەلدە بولۋىنا كەلىسىم بەرەتىن قارارعا قول قويدى. بۇل تۋرالى پولشانىڭ ۇلتتىق قاۋىپسىزدىك بيۋروسى مالىمدەدى، دەپ حابارلايدى Kazinform اگەنتتىگى.
- سولتۇستىك اتلانتيكا شارتى ۇيىمىنىڭ (ناتو) اسكەرى «شىعىس ساقشىسى» (Eastern Sentry) وپەراتسياسى اياسىندا ەلدە قوسىمشا كۇش رەتىندە ورنالاسا الادى، - دەلىنگەن حابارلامادا.
ەسكە سالا كەتسەك، «شىعىس ساقشىسى» وپەراتسياسى 10-قىركۇيەكتە پولشا اۋە كەڭىستىگىنە درونداردىڭ باسىپ كىرۋىنە جاۋاپ رەتىندە ەكى كۇن بۇرىن باستالعان. ولاردىڭ ءبىر بولىگىن اۋەگە كوتەرىلگەن جويعىش ۇشاقتار اتىپ ءتۇسىردى.
وپەراتسيانىڭ ماقساتى «درونداردى پايدالانۋ ارقىلى تۋىندايتىن ناقتى قاۋىپتەردىڭ الدىن الۋ».
بۇعان دەيىن ءبىز انكارادا ناتو-نىڭ كەلەسى سامميتى 2026 -جىلدىڭ شىلدە ايىندا وتەتىنى تۋرالى جازعان بولاتىنبىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан