گولان جوتالارىندا قازاقستاندىق بىتىمگەرلەر العاشقى جاتتىعۋىن پىسىقتادى
استانا. KAZINFORM - قازاقستاندىق بىتىمگەرلىك روتانىڭ جەدەل ارەكەت ەتۋ كۇشتەرى يرلانديالىق ارىپتەستەرىمەن جارالانعان ادامدى ەۆاكۋاتسيالاۋ بويىنشا بىرلەسكەن جاتتىعۋ وتكىزدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
باسپاءسوز قىزمەتىنىڭ حابارلاۋىنشا، دابىلمەن كوتەرىلگەن بولىمشە تەز ارادا گولان جوتالارىندا ب ۇ ۇ ميسسياسىنىڭ جاۋاپكەرشىلىك ايماعىنداعى بازادان بىرنەشە شاقىرىم جەردە ورنالاسقان باقىلاۋ بەكەتىنە كەتتى.
جاتتىعۋدىڭ ءبىرىنشى كەزەڭىندە بەكەتتىڭ اۋماعىن تازارتۋ جانە تەكسەرۋ جۇمىستارى جۇرگىزىلدى.
سودان كەيىن مەديتسينالىق ءبولىم جارالانعان ادامعا جەدەل كومەك كورسەتتى. ول ارنايى جابدىقتالعان بروندى دوڭگەلەكتى كولىكپەن ەۆاكۋاتسيالاندى.
قازاقستاندىق بىتىمگەرلەر ميسسيانىڭ جاۋاپكەرشىلىك ايماعىنداعى باقىلاۋ بەكەتتەرىن كۇشەيتۋگە جاۋاپتى ەكەنىن اتاپ وتكەن ءجون. قاجەت كەزدە ولار ەۆاكۋاتسيا دا جۇرگىزەدى.
اۆتور
ايدار وسپاناليەۆ