استانا. قازاقپارات - وكىنىشكە قاراي، وكىنىشكە وراي. «قاي نۇسقا دۇرىس؟» ايدارى اياسىندا ءال-فارابي اتىنداعى قازاق ۇلتتىق ۋنيۆەرسيتەتى ا. بايتۇرسىن ۇلى اتىنداعى قازاق ءتىل ءبىلىمى كافەدراسىنىڭ اعا وقىتۋشىسى، PhD عىلىم دوكتورى جانات اسىلحان قىزى دۇرىس نۇسقانى ايتىپ بەردى.
نەلىكتەن قاتە؟
ساراپشىنىڭ پىكىرىنشە، بۇل قىستىرما سوزدەر از تالقىعا تۇسكەن جوق.
«وكىنىشكە وراي» دەۋگە بولمايدى» دەپ قانشا ەسكەرتۋ ايتىلعانىمەن، كوپ جازارماننىڭ وسى قاتەدەن باس تارتار ءتۇرى جوق»، - دەيدى مامان.
PhD عىلىم دوكتورى بۇل تىركەس نەگە قاتە ەكەنىن دە ءتۇسىندىرىپ بەردى.
«وراي» جاقسى، جاعىمدى ءمانى بار سوزدەرگە جالعانىپ، ايتىلىپ-جازىلۋى كەرەك. دۇرىسى - «وكىنىشكە قاراي». ءتىپتى بولماسا، «ءبىر وكىنىشتىسى» دەگەن نۇسقانى پايدالانساق ءجون بولادى»، - دەدى جانات اسىلحان قىزى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан