استانا. KAZINFORM - جاس عالىمدار وندىرىستەن شىقپاي-اق PhD دارەجەسىن الۋعا مۇمكىندىك الدى. بۇل تۋرالى ەلوردادا «بولاشاق بەينەسى: ناتيجەدەن - جاڭا ستراتەگياعا» اتتى فورۋمدا ق ر عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.
- بۇعان دەيىن شاكىرتاقى مولشەرى ەكى ەسە ءوستى، ونى تاعى ءدا وسىرۋدى باستايمىز. ءقازىر دوكتورانتتاردىڭ شاكىرتاقىسى - ايىنا 252 مىڭ تەڭگە. ونى تاعى ەكى ەسە وسىرۋگە كەلەسى ءۇش- ءتورت جىلعا باعىت الدىق، - دەدى ساياسات نۇربەك.
سونىمەن قاتار ول ەلدە «يندۋستريالىق PhD» اتتى باعدارلاما باستالعانىن ەسكە سالدى. ەندى جاس عالىمدار وندىرىستەن شىقپاي-اق ءۇش جىلدىڭ ىشىندە جەڭىلدەتىلگەن فورماتپەن، مودەلمەن PhD دارەجەسىن الۋعا مۇمكىندىك الدى.
بۇعان دەيىن عىلىم جانە جوعارى ءبىلىم مينيسترلىگى ستۋدەنتتەردىڭ شاكىرتاقىسىن جىل سايىن كوتەرۋ مۇمكىندىگىن پىسىقتايتىنىن جازعان ەدىك.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан