بۇل تۋرالى عىلىم جانە جوعارى ءبىلىم ءمينيسترى ساياسات نۇربەك قۇرىلتايداعى بريفينگتە مالىمدەدى.
«قازىرگى تاڭدا دوكتورانتتار (PhD) اي سايىن شامامەن 260 مىڭ تەڭگە شاكىرتاقى الادى. سوڭعى بەس جىلدا شاكىرتاقى ەكى ەسە كوتەرىلدى. 2029-جىلعا دەيىن شاكىرتاقىنى 500 مىڭ تەڭگەگە دەيىن كوتەرۋ جوسپاردا بار»، دەدى مينيستر.
ساياسات نۇربەك مۇنداي قولداۋ جاس عالىمداردىڭ الەۋمەتتىك جاعدايىن جاقسارتۋعا مۇمكىندىك بەرەتىنىن اتاپ ءوتتى.
سونىمەن قاتار مەملەكەت باسشىسىنىڭ قولداۋىمەن جاس عالىمداردى باسپانامەن قامتاماسىز ەتۋ جۇمىستارى جۇرگىزىلىپ جاتىر. مينيستر مالىمدەگەندەي، كەيىنگى ەكى جىلدا 813 جاس عالىم تۇرعىن ءۇي العان.