استانا. KAZINFORM - بۇگىن قازاقستان رەسپۋبليكاسى عىلىم جانە جوعارى ءبىلىم مينيسترلىگى مەن وكسفورد ۋنيۆەرسيتەتى اراسىندا ءوزارا ىنتىماقتاستىق كەلىسىمگە قول قويىلىپ، سوعان سايكەس وكسفورد ۋنيۆەرسيتەتىندە قازاق ءتىلىن وقىتۋ قولعا الىنباق.
عىلىم جانە جوعارى ءبىلىم ءمينيسترى مەن قازاقستاننىڭ جەتەكشى جوعارى وقۋ ورىندارىنىڭ باسشىلارىنان قۇرالعان قازاقستاندىق دەلەگاتسيا الەمدەگى ەڭ بەدەلدى ۋنيۆەرسيتكە ات باسىن تىرەدى.
ۇلى بريتانيانىڭ وقۋ ورنىنا ارنايى بارعان دەلەگاتسيا وكىلدەرىنە وكسفورد بودليان كىتاپحاناسىنىڭ قازاقستانعا قاتىستى ەكسكليۋزيۆتى كونە قولجازبالارى كورسەتىلدى. سونىمەن قاتار ۋنيۆەرسيتەتتە ەكسكۋرسيا ءوتىپ، تاريحى تانىستىرىلدى.
بۇدان ءارى مينيستر ساياسات نۇربەك بريتاندىقتارعا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسىمەن دايارلانعان Oxford Qazaq سوزدىگىنىڭ العاشقى باسىلىمىن تانىستىردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан