اقشانى قايتارىپ الۋ بيلەتتى ساتىپ الۋ ادىسىنە قاراي قولما- قول اقشامەن جانە قولما- قول اقشاسىز ىسكە اسىرىلادى:
- ستانسادان پويىز جونەلتىلگەنگە دەيىن 1 ساعاتتان كەشىكتىرمەي بيلەتتى قايتارعان جاعدايدا قاراجات 5 جۇمىس كۇنى ىشىندە تولەۋشىنىڭ كارتاسىنا تۇسەدى؛
- ستانسادان پويىز جونەلتىلگەنگە دەيىن 1 ساعاتتان از ۋاقىت قالعاندا بيلەتتى قايتارعان جاعدايدا قاراجات جولاۋشىنىڭ ءوتىنىشى نەگىزىندە 30 كۇنتىزبەلىك كۇن ىشىندە جولاۋشىنىڭ كارتاسىنا تۇسەدى. بيلەت قۇنىن قايتارا الماعان جولاۋشىلار WhatsApp 77072703664 نومىرىنە حابارلاسا الادى.
«سۇراۋ سالۋدى جىبەرگەن كەزدە جول ءجۇرۋ قۇجاتىنىڭ (بيلەتتىڭ) ءنومىرىن كورسەتۋ كەرەك نەمەسە بيلەت كاسساسىنا جۇگىنگەن كەزدە جول ءجۇرۋ قۇجاتىنىڭ (بيلەتتىڭ) فوتوسۋرەتىن جانە جول ءجۇرۋ قۇجاتىن (بيلەتىن) قايتارۋ تۋرالى تۇبىرتەكتى جىبەرۋ قاجەت»، - دەلىنگەن اقپاراتتا.
ايتا كەتەيىك، ەرەجەگە سايكەس بيلەتتى قايتارعان كەزدە:
- پويىز جونەلتىلگەنگە دەيىن 24 ساعاتتان كەشىكتىرىلمەسە - بيلەتتىڭ تولىق قۇنى قايتارىلادى؛
- 24 ساعاتتان كەشىكتىرىلىپ، ءبىراق پويىز جونەلتىلگەنگە دەيىن كەمىندە 6 ساعات بۇرىن وتكىزىلسە - بيلەت قۇنى جانە پلاتسكارت قۇنىنىڭ P قايتارىلادى؛
- پويىز جونەلتىلگەنگە دەيىن كەمىندە 6 ساعات بۇرىن جانە جونەلتىلگەننەن كەيىن 1 ساعاتتان ارتىق ەمەس ۋاقىتتا قايتارىلسا - بيلەتتىڭ قۇنى قايتارىلادى، بۇل رەتتە پلاتسكارتتىڭ تولىق قۇنى ۇستالادى. پويىز جونەلتىلگەننەن كەيىن 1 ساعاتتان سوڭ بيلەتتى قايتا وتكىزۋگە بولمايدى جانە ونىڭ اقشاسى قايتارىلمايدى.
«ال جولاۋشىلار پويىزىنىڭ قاتىناۋى توقتاعان جاعدايدا جولاۋشىلار جول ءجۇرۋ قۇجاتتارىن (بيلەتتەرىن) قايتارۋدى رەسىمدەپ، اقشالاي قاراجاتتارىن تولىق كولەمدە قايتارىپ الا الادى. جولاۋشىلار جول ءجۇرۋ قۇجاتتارىن ساتىپ العان جەردە قايتارۋ قاجەت»، - دەپ ناقتىلادى «جولاۋشىلار تاسىمالى» ا ق- دان.