وش قالاسىنان 74 جاستاعى قاريا استاناعا ۆەلوسيپەدپەن شىقتى
18:55, 01 - تامىز 2024
استانا. قازاقپارات - وش قالاسىنىڭ تۇرعىنى استاناعا دۇنيەجۇزىلىك كوشپەندىلەر ويىندارىن تاماشالاۋ ءۇشىن ۆەلوسيپەدپەن شىقتى، دەپ حابارلايدى 24.kg.
قالا تۇرعىنى مامىت تاشتانوۆ 2016 شاقىرىم جول جۇرۋگە نيەتتى. بۇگىن وش قالاسىنىڭ ورتالىق الاڭىندا جيىلعان جۇرت 74 جاستاعى زەينەتكەردى الىس جولعا شىعارىپ سالدى. قالا اكىمدىگى مەن وبلىستىڭ تۇرعىندارى مامىت تاشتانوۆتى قارجىلاي قولدادى.
«ۆەلوتۋردىڭ ماقساتى - تۇركىتىلدەس ەلدەردىڭ دوستىعىن نىعايتۋ جانە سپورتپەن شۇعىلدانۋعا شاقىرۋ. ەكى جىل بۇرىن مامىت تاشتانوۆ IV دۇنيەجۇزىلىك كوشپەندىلەر ويىندارى وتكەن تۇركياعا دا ۆەلوسيپەدپەن ساياحات جاسادى»، - دەپ جازدى 24.kg.
بيىل V دۇنيەجۇزىلىك كوشپەندىلەر ويىندارى 8-13-قىركۇيەكتە استانا قالاسىندا وتەدى. وعان 21 سپورت تۇرىنەن 85 ەلدەن 2 مىڭنان استام سپورتشى قاتىسادى.