ودان ءبارى قورقاتىن، ارتىندا قايرات تۇردى: جابىرلەنۋشى گۇلميرا ساتىبالدى تۋرالى

الماتى. KAZINFORM - الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا گۇلميرا ساتىبالدىعا قاتىستى سوت وتىرىسى جالعاسىپ جاتىر.

قازىرگى ۋاقىتتا پروتسەسستە سوتتالۋشىدان جاۋاپ الىپ جاتىر. زارداپ شەككەندەر مەن ايىپتالۋشىلاردىڭ ادۆوكاتتارى وعان سۇراقتار قويىپ، كەيبىر مالىمەتتەردى انىقتاي باستادى.

سونىمەن، اباي ءجۇنىسوۆ جاۋاپ الۋ كەزىندە ونى زاڭسىز ۇستاپ وتىرعان كەزدە نە سەبەپتى پوليتسياعا حابار بەرمەگەنىن ايتتى.

«مەنى زاڭسىز قاماۋدا ۇستاپ وتىرعان كەزدە، قۇجاتتار مەن تاماقتى بەرۋ كۇزەتشى ارقىلى جۇزەگە اسىرىلدى. ماعان مەنىڭ ادۆوكاتىم، ءۇي كۇتۇشىسى جانە باسقا دا ادامدار كەلىپ تۇردى. ءبىراق بارلىعى باتىرشايەۆ پەن ساتىبالدىنىڭ رۇقساتىمەن كەلدى، بارلىق كەلۋشىنى مۇقيات تەكسەردى. ولارعا تەلەفونمەن كىرۋگە رۇقسات بەرىلگەن جوق»، - دەدى ول.

ونىڭ ادۆوكاتى وعان كەلۋشىلەر نەگە پوليتسياعا حابارلاسپاعانىن جانە نەگە ول ەشقانداي شارا قابىلداماعانىن قايتالاپ سۇرادى.

«مەنى وقشاۋلاپ تاستادى. پروبلەما مەن قىسىمنىڭ اۋقىمىن ءتۇسىندىم. قازاقستاندا الماتىدا بولعاندىقتان بارار جەرىم جوق ەكەنىن ءتۇسىندىم. مەنەن ءبارىن تارتىپ الدى: ءتولقۇجاتتار، تەلەفوندار جانە باسقا دا زاتتار. بىرەۋگە حابارلاسۋعا مۇمكىندىگىم بولمادى»، - دەيدى اباي ءجۇنىسوۆ.

ول بارلىق كومەكشىسى گۇلميرا ساتىبالدىدان قورقانىن ايتتى. 

«ءوزىن وتە قاتال ۇستادى. ول اركىمنىڭ ءىس-ارەكەتى جازاسىز قالمايتىنىن ايتىپ، ونى قايرات ساتىبالدى قۇپتايتىنىن ەسكەرتىپ وتىردى. ءبارى ودان قورقاتىن. ەشكىم ەشتەڭە جاساي المادى»، - دەدى ول.

بۇعان دەيىن كاسىپكەر اباي ءجۇنىسوۆ گۇلميرا ساتىبالدى بىرلەسكەن سەرىكتەستىكتە ۇرلىق جاسادى دەگەن كۇدىكپەن كىناسىن مويىنداۋدى تالاپ ەتىپ، 2019 -جىلدىڭ اقپانىنان بەرى ۇيىندە زاڭسىز قاماۋدا ۇستاعانىن ايتقان ەدى.

ايتا كەتەيىك، الدىن الا تىڭداۋ كەزىندە، ايىپتالۋشى گ. ساتىبالدى القابيلەر سوتىنا قاتىسپايتىنىن جەتكىزگەن بولاتىن.

ەستەرىڭىزگە سالا كەتەيىك، بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلدى.

سونداي-اق سوت وعان 10 جىل بويى كوممەرتسيالىق ۇيىمداردا باسشىلىق لاۋازىمداردى اتقارۋعا تىيىم سالدى.

گۇلميرا ساتىبالدى كاسىپورىنداردىڭ قاتىسۋ ۇلەسىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەۋگە الىنعان ەدى. جابىرلەنۋشىگە كەلگەن زالال سوماسى - 6,6 ميلليارد تەڭگەدەن اسادى.

سونداي-اق گۇلميرا ساتىبالدى سوتقا دەيىنگى تەرگەۋ كەزىندە شەكارا اسىپ كەتپەك بولعان.

گۇلميرا ساتىبالدى ايىپتاۋلارمەن كەلىسپەيتىنىن ايتىپ، ءادىل شەشىم قابىلداۋعا ءوتىنىش جاساعان بولاتىن.

اۆتور
الما مۇقانوۆا