جەرگىلىكتى بيلىكتىڭ مالىمەتىنشە، ءورت موڭعوليا اۋماعىندا باستالىپ، قىتايدىڭ ىشكى موڭعوليا اۆتونوميالىق اۋدانىمەن شەكارالاس ايماققا قاراي جىلجىپ كەلەدى.
وسىعان بايلانىستى قىتاي تاراپى شەكارا ماڭىنداعى اۋماقتاردا ءورتتىڭ تارالۋىن توقتاتۋ جۇمىستارىن كۇشەيتكەن.
- 11-قازان كۇنى ساعات 21:00-دەگى جاعداي بويىنشا ءورت قىتاي اۋماعىنا وتكەن جوق. قازىر جالىننىڭ تارالۋىنا جول بەرمەۋ جۇمىستارى جالعاسىپ جاتىر، - دەپ حابارلادى جەرگىلىكتى بيلىك وكىلدەرى.
ءورتتى وقشاۋلاۋ شارالارىنا 2 مىڭنان استام ادام تارتىلعان.
ازىرگە ءورت شارپىعان اۋماقتىڭ كولەمى مەن ونىڭ شىعۋ سەبەبى تۋرالى ناقتى اقپارات جاريالانعان جوق.
ايتا كەتەيىك، بۇعان دەيىن گرەكيانىڭ لەروس جانە ەۆبەيا ارالدارىندا، سونداي-اق كارديتسا وكرۋگىندە ورمان ورتتەرى تۇتانىپ، ءتىلسىز جاۋدى سوندىرۋگە جەر ءۇستى قىزمەتتەرى مەن اۆياتسيا جۇمىلدىرىلعان بولاتىن.