موڭعوليانىڭ ۇلتتىق وليمپيادا كوميتەتىنىڭ (ۇ و ك) بارلىق مۇشەلەرىنىڭ جالپى جينالىسى ءوتىپ، وندا 2026 -جىلعا ارنالعان جۇمىس جوسپارى، بيۋدجەتى، قۇرىلىمى مەن قۇرامى بەكىتىلدى.
سونىمەن قاتار، وليمپيادالىق قوزعالىستى باسقارۋ تيىمدىلىگىن ارتتىرۋ جانە ۇيلەستىرۋدى جاقسارتۋ ماقساتىندا ۇ و ك جارعىسىنا وزگەرىستەر ەنگىزىلدى. ناقتىراق ايتقاندا، وليمپيادالىق سپورت تۇرلەرى فەدەراتسيالارىنىڭ تەڭ وكىلدىگىن قامتاماسىز ەتۋگە باعىتتالعان تۇزەتۋلەر قابىلداندى. ءۇش وكىلى بار فەدەراتسيالاردا ولاردىڭ كەمىندە بىرەۋى ايەل بولۋى ءتيىس ەكەنى قاراستىرىلدى.
جينالىستا ۇ و ك قۇرامىنا كىرەتىن ءۇش جاڭا فەدەراتسيا ماقۇلداندى. اتاپ ايتقاندا، ولار - فلاگ- فۋتبول (2028 -جىلى 2028 جازعى وليمپيادا ويىندارى باعدارلاماسىنا ەنگىزىلگەن) ، فيدجيتال سپورت جانە اكادەميالىق ەسكەك ەسۋ فەدەراتسيالارى. وسىلايشا، ۇوك- كە مۇشە فەدەراتسيالار سانى 170-كە جەتتى.
ەسكە سالايىق، بيىل موڭعوليا قۇراماسىنىڭ سپورتشىلارى ايتي- ناگويا- 2026 ازيا ويىندارىنا، داكار- 2026 جازعى جاسوسپىرىمدەر وليمپياداسىنا، سونداي-اق ەر-رياد- 2026 جابىق كەشەندەگى جانە جاۋىنگەرلىك ونەر بويىنشا ازيا ويىندارىنا قاتىسادى.
بۇدان بۇرىن موڭعوليادا وتەتىن تاەكۆوندودان ازيا چەمپيوناتىندا 1300-دەن اسا سپورتشى باق سىنايتىنىن جازدىق.