ب ۇ ۇ باس اسسامبلەياسىنىڭ نيۋ-يوركتە ءوتىپ جاتقان 81-سەسسياسىنىڭ جالپى پىكىرتالاسىنا قاتىسىپ جاتقان موڭعوليا پرەزيدەنتى ۋحنااگين حۇرەلسۇح موڭعوليانىڭ 2048- 2049 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋعا ءوز كانديداتۋراسىن ۇسىناتىنىن رەسمي تۇردە مالىمدەدى.
موڭعوليا باسشىسى جالپى پىكىرتالاس بارىسىندا ەلدىڭ حالىقارالىق وزەكتى ماسەلەلەرگە قاتىستى ۇستانىمى، سىرتقى ساياساتتاعى ماقساتتارى مەن باسىم باعىتتارى، سونداي-اق الەۋمەتتىك-ەكونوميكالىق جاعدايى تۋرالى ءسوز سويلەدى.
— موڭعوليا ب ۇ ۇ رەفورماسىنىڭ وزەگىندە قاۋىپسىزدىك كەڭەسىن رەفورمالاۋ بولۋى كەرەك دەپ سانايدى. وسىعان بايلانىستى ءبىز قاۋىپسىزدىك كەڭەسىنىڭ تۇراقتى جانە تۇراقتى ەمەس مۇشەلەرىنىڭ سانىن ارتتىرۋ، دامۋشى ەلدەردىڭ ءتيىستى دەڭگەيدە وكىلدىك ەتۋىن قامتاماسىز ەتۋ، سونداي-اق ونىڭ قىزمەتىنىڭ اشىقتىعى مەن جاريالىلىعىن قامتاماسىز ەتۋ قاجەتتىگىن قولدايتىن پرينتسيپتى ۇستانامىز، - دەدى ۋحنااگين حۇرەلسۇح.
موڭعوليا - وسى ۋاقىتقا دەيىن ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانباعان 58 ەلدىڭ ءبىرى.
- ءبىزدىڭ ەلىمىز ب ۇ ۇ قاۋىپسىزدىك كەڭەسىنىڭ جۇمىسىنا بەلسەندى قاتىسىپ، حالىقارالىق قوعامداستىق الدىندا تۇرعان پروبلەمالار، سىن- قاتەرلەر مەن قيىندىقتاردى بىرلەسىپ شەشۋگە ءوز ۇلەسىن قوسۋعا ۇمتىلادى. وسىعان بايلانىستى موڭعوليانىڭ 2048- 2049 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋعا ءوز كانديداتۋراسىن ۇسىناتىنىن رەسمي تۇردە مالىمدەيمىن، — دەدى موڭعوليا پرەزيدەنتى.
بۇعان دەيىن حابارلانعانداي، موڭعوليادا مەملەكەتتىك كاسىپورىندار سانى 0- عا قىسقاردى.