موڭعولياداعى حومىن تال تابيعي كەشەنىنىڭ ديرەكتسياسى فرانسيانىڭ موڭعولياداعى توتەنشە جانە وكىلەتتى ەلشىسى كورينن پەرەيرا دا سيلۆانىڭ ساپارى تۋرالى حابارلادى.
ديپلومات كەرقۇلانداردى (پرجيەۆالسكي جىلقىلارىن) تابيعي ورتاعا قايتا جەرسىندىرۋ باعدارلاماسىنىڭ ناتيجەلەرىمەن تانىستى.
2004-2005 -جىلدارى فرانسيانىڭ تاحي جىلقىلارىن قورعاۋ جونىندەگى TAKH قاۋىمداستىعىنىڭ باستاماسىمەن حوم دالاسىنا فرانسيادان 22 كەرقۇلاندى جەتكىزىلگەن.
قازىر بۇل اۋماقتاعى كەرقۇلان سانى شامامەن 160 باسقا جەتتى. بۇل - موڭعوليا مەن فرانسيانىڭ تابيعاتتى قورعاۋ جانە بيوالۋانتۇرلىلىكتى ساقتاۋ باعىتىنداعى ىنتىماقتاستىعىنىڭ ناتيجەسى.
قازىرگى ۋاقىتتا كەرقۇلانداردى تابيعي ورتاعا قايتا جەرسىندىرۋ باعدارلامالارى حۋستاين-نۋرۋۋ ۇلتتىق ساياباعىندا جانە ۇلكەن گوبي قاتاڭ قورعالاتىن اۋماعىندا دا جۇزەگە اسىرىلىپ جاتىر.
حوم دالاسى گوبي ءوڭىرىنىڭ بيوالۋانتۇرلىلىگىن ساقتاۋدا ماڭىزدى ءرول اتقارادى. 2025-جىلى بۇل اۋماق يۋنەسكو-نىڭ بيوسفەرالىق رەزەرۆاتتارىنىڭ دۇنيەجۇزىلىك جەلىسىنە ەنگىزىلدى.
ۇيىمنىڭ مالىمەتىنشە، رەزەرۆاتتىڭ جالپى اۋماعى 618379 گەكتاردى قۇرايدى.