قازاقستاندا نەگىزگى سكرينينگتىك تەكسەرۋلەر ازاماتتاردىڭ م ءا م س مارتەبەسىنە قاراماستان، مەملەكەتتىڭ الەۋمەتتىك كەپىلدىكتەرىنىڭ ەسەبىنەن جۇرگىزىلەدى، دەپ حابارلايدى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى.
قازاقستاندا جۇرەك-قان تامىرلارى اۋرۋلارىن، قانت ديابەتىن، گلاۋكومانى، ءسۇت بەزى وبىرىن، جاتىر موينى وبىرىن، كولورەكتالدىق وبىردى، ۆ جانە C ۆيرۋستىق گەپاتيتتەرىن، سونداي-اق بەلگىلەنگەن ولشەمشارتتارعا سايكەس باسقا دا اۋرۋلاردى ەرتە انىقتاۋ ءۇشىن سكرينينگتىك تەكسەرۋلەر جۇرگىزىلەدى.
جۇرەك-قان تامىرلارى اۋرۋلارىن، قانت ديابەتىن جانە گلاۋكومانى انىقتاۋعا ارنالعان سكرينينگتەن 40- 76 جاس ارالىعىنداعى ەرلەر مەن ايەلدەر ەكى جىلدا ءبىر رەت وتەدى.
ءسۇت بەزى وبىرىن ەرتە انىقتاۋ ءۇشىن 40-76 جاس ارالىعىنداعى ايەلدەر ەكى جىلدا ءبىر رەت مامموگرافيادان وتەدى.
جاتىر موينى وبىرىنا ارنالعان سكرينينگ 30-74 جاس ارالىعىنداعى ايەلدەرگە جۇرگىزىلەدى. تەكسەرۋدەن ءتورت جىلدا ءبىر رەت ءوتۋ قاجەت.
كولورەكتالدىق وبىرعا ارنالعان سكرينينگتەن 50-76 جاس ارالىعىنداعى ەرلەر مەن ايەلدەر ەكى جىلدا ءبىر رەت وتەدى.
- تىركەلگەن ەمحاناڭىزعا حابارلاسىپ، بيىل قانداي سكرينينگتىك تەكسەرۋلەردەن وتۋگە قۇقىلى ەكەنىڭىزدى ناقتىلاڭىز. مەديتسينا قىزمەتكەرلەرى تەكسەرۋدەن ءوتۋ ءتارتىبىن ءتۇسىندىرىپ، قاجەت بولعان جاعدايدا قوسىمشا زەرتتەۋلەرگە جولداما بەرەدى.
اۋرۋ بەلگىلەرىنىڭ پايدا بولۋىن كۇتپەڭىز - تەكسەرۋدەن ۋاقىتىلى ءوتىڭىز! ەرتە دياگنوستيكا ەمدەۋدى دەر كەزىندە باستاۋعا جانە دەنساۋلىقتى ساقتاۋعا مۇمكىندىك بەرەدى.
دەنساۋلىعىڭىز - ءوز قولىڭىزدا!، - دەلىنگەن حابارلامادا.
وسىعان دەيىن ەل حالقى قانداي ماڭىزدى سكرينينگتەردەن ءوتۋى ءتيىس ەكەنى تۋرالى جازدىق.