جانىبەك ءالىمحان ۇلى WBO رەيتينگىندە ەكى ساتىعا جوعارىلادى
11:08, 25 - قىركۇيەك 2019
نۇر-سۇلتان. قازاقپارات - «Qazaq style» لاقاپ اتىمەن تانىمال كاسىپقوي بوكسشى جانىبەك ءالىمحان ۇلى (7-0، 2 ك و) WBO رەيتينگىندە ەكى ساتىعا جوعارىلادى، دەپ حابارلايدى قازاقپارات.
بۇل تۋرالى سپورتشى ءوزىنىڭ instagram پاراقشاسىندا جازدى.
«WBO رەيتينگىندە 15- ورىننان 13-ورىنعا كوتەرىلدىك. جوسپار بويىنشا كەلەر جىلى 1- ورىنعا شىعىپ چەمپيونعا مىندەتتى قارسىلاس اتانۋىمىز كەرەك. بارىمىزدى سالامىز بۇيىرتسا»، - دەيدى سپورتشى.
ەسكە سالا كەتسەك، جانىبەك ءالىمحان ۇلى كەلەسى جەكپە-جەگىن 9- قاراشادا وتكىزەتىنىن بۇعان دەيىن حابارلاعان بولاتىنبىز. ال سوڭعى ايقاسىندا جانىبەك ءالىمحان ۇلى 27 رەت جەڭىسكە جەتكەن قارسىلاسىن نوكاۋتقا تۇسىرگەن بولاتىن. ورتا سالماقتاعى ون راۋندقا سوزىلعان ايقاستا ءالىمحان ۇلى كانادالىقتى بەسىنشى راۋندتا تەحنيكالىق نوكاۋتپەن جەڭدى.