جان كوسوبۋتسكيدىڭ WBC تيتۋلى ءۇشىن ايقاسىنىڭ داتاسى جاريالاندى
12:34, 30 - ءساۋىر 2022
نۇر-سۇلتان. قازاقپارات - كاسىپقوي رينگتە جەڭىلىپ كورمەگەن سۋپەراۋىر سالماقتاعى قازاقستاندىق بوكسشى جان كوسوبۋتسكيدىڭ (17-0، 16 ك و) فرانسۋز جوان ديۋوپاعا (39-6، 26 ك و) قارسى جەكپە-جەگىنىڭ داتاسى ناقتىلاندى.
قازاقپارات بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ حابارلايدى.
«Universum-Box Promotions پروموۋتەرلىك كومپانياسىنىڭ اقپاراتىنا سايكەس، جەكپە-جەك 21- مامىر كۇنى گەرمانيانىڭ گامبۋرگ قالاسىندا وتەدى»، - دەلىنگەن پاراقشادا.
باستاپقىدا ايقاس اتالعان قالادا اقپان ايىندا ءوتۋى ءتيىس بولعان.
باسكە تىگىلگەن تيتۋل - سۋپەراۋىر سالماقتاعى WBC International چەمپيونىنىڭ ۆاكانتتى بەلدىگى.
الايدا كوسوبۋتسكيدىڭ كومانداسىندا كوروناۆيرۋس انىقتالعاندىقتان، جەكپە-جەك كەيىنگە شەگەرىلدى.
بۇل جان كوسوبۋتسكي ءۇشىن 2022-جىلداعى العاشقى ايقاس بولادى. بۇعان دەيىن ول (2021-جىلدىڭ قاراشاسى) دومينيكان رەسپۋبليكاسىنىڭ وكىلى الەكسيس گارسيانى (11-1، 7 ك و) بەسىنشى راۋندتا نوكاۋتقا جىبەرگەن ەدى.